په‌كه‌كێ ده‌هان كادرێن خوه‌ دان گرتن

په‌كه‌كێ ده‌هان كادرێن خوه‌ دان گرتن

پارێزگه‌ها وانێ یا باكورێ كوردستانێ دەست نیشان کر، ده‌هان به‌رگومانێن سه‌ر ب پارتییا كاركه‌ركێن كوردستانێ ڤه‌ هاتنه‌ گرتن، ئه‌ڤ یه‌ك پاش كوشتنا 2 فه‌رمانبه‌ران ژ ئالیێ په‌كه‌كێ ڤه‌ هاتییه‌.

پارێزگه‌ها وانێ د داخویانیه‌كێ دا ئه‌شكه‌ره‌ كر، ئیرۆ رۆژا شه‌می 16/5/2020ان، 38 به‌رگومان هاتنه‌ بن چاڤ كرن كو ئالیكارییا په‌كه‌كێ ژ بۆ كوشتنا 2 كارمه‌ندێن مالا دانعه‌مران كرنه‌.

هه‌روه‌ها دا زانین، ئه‌ڤ 38 به‌رگومان ب رۆژه‌كێ پاش كوشتنا 2 كارمه‌ندێن مالا دانعه‌مران ژ ئالیێ په‌كه‌كێ ڤه‌، هاتنه‌ ده‌سته‌سه‌ر كرن.

ل گۆر پێزانینێن پارێزگه‌ها وانێ،  چه‌كدارێن په‌كه‌كێ دوهـ ئێریشی دو كارمه‌ندێن «ده‌سته‌یا وه‌فایێ» كو سازییه‌كا حكوومه‌تێ یا تایبه‌ته‌ ب هاریكارییا دانعه‌مران كرنه، ده‌مێ كو ئه‌وان كارمه‌ندان هاریكارییا هنده‌ك دانعه‌مران دكری ژ بۆ كو بچن گوندێ «ئەگریبەرەلەنا قەرقەلی» یێ سنۆرێ وانێ.

پاش ڤێ بوویه‌رێ، ئۆپه‌راسیۆنێ ده‌ست پێ كر و د ئه‌نجاما وێ ده‌، 38 به‌رگومان هاتنه‌ ده‌سته‌سه‌ر كرن كو ته‌سبیت بوو په‌یوه‌ندییا وان ب په‌كه‌كێ و وێ ئێریشێ ڤه‌ هه‌یه‌.