ئیلھام ئەحمەد: د ده‌مێن نێز ده‌ چاره‌سه‌ری تونه‌ نه‌

هه‌ڤسه‌رۆكا ئه‌نجوومه‌نا سووریایا ده‌مۆكراتیك راگهاند كو د ده‌مێن نێز ده‌ چاره‌سه‌ر ژ بۆ سووریێ تونه‌ نه‌ و ئه‌شكه‌ره‌ كر كو تركیه‌ ل سه‌ر گوهه‌رینا ده‌مۆگرافیێ به‌رده‌وامه‌.

ئیلهام ئه‌حمه‌د د جڤینا ئه‌نجوومه‌نا گشتی یا تاخێن شێخ مەقسوود و ئەشرەفیێ یێن باژارێ حەلەبێ دە ل ده‌ربارا ئالۆزییا سووریێ ئاخڤی و وها گۆت: «دەرفەتا دیتنا چارەسەریێ د دەمێن نێز دە کێمە و ئەم د پێڤاژۆیا شەرێ جیھانێیێ سێیەمین رە دەرباس دبن، ئەڤ رەوش نە تەنێ ل سووریێ یە، لێ رەوشەکە ناڤنەتەوەیی و رۆژھلاتا ناڤینە، تو چارەسەری د دەمێن نێز دە دەرناکەڤن، لێ بەلێ دێ دەمێن درێژ دەوام بکە».

د مژارا هه‌ولێن ده‌وله‌تا داگیركه‌ر یا تركیێ ل رۆژئاڤا كوردستانێ، هه‌ڤسه‌رۆك ئه‌نجوومه‌نا سووریایا ده‌مۆكراتیك ئه‌شكه‌ره‌ كر كو ئارمانجا سەرەکە یا دەولەتا ترک ل سووریێ کو وەلات پارچە بکە و گۆت: «دەما ترکیێ دیت کو چەتە نکارن ئاژاندایێن وێ ل ھەرێمێ پێک بینن ب ئاوایەکی یەکسەر دەرباسی جەرابلوس، بابێ بوو و ئەفرین داگیر کر دا کو د ئاستا یەکەمین دە پرۆژەیا مە ب بن بخە».

ئیلھام ئەھمەد وها گۆتنا خوه‌ ب داوی كر: «ترکیە دبێژه‌ كو ئەو یەکێتییا خاکا سووریێ دپارێزە، لێ راستی بەرۆڤاژی ڤێ یەکێ ئیسبات دکە، دبستانێن ترکیێ ل جەرابلوسێ ڤەکری نە و گوھەرتنا دەمۆگرافیێ یا ل ئەفرینێ پشتراست دکە کو ئارمانجا ترکیێ پارچەکرنە«.