كالكان ب دو دلی ڤه دبێژه ئه‌مێ تۆلا «ئه‌نگین» بستینین
ئەندامێ کۆمیتەیا رێڤەبەرا په‌كه‌كێ، دوران کالکان راگهاند، پێنگاڤا تۆلهلدانا «قاسم ئه‌نگین» فه‌رماندارێ كو ل مه‌ها رابووری د ئێریشه‌كه تركیێ ده ل باشوورێ ولات، جانێ خوه ژ ده‌ست دای، وێ وه‌ره ده‌ست پێ كرن.
دۆران كالكان ئیرۆ رۆژا شه‌می 13/6/2020ان داخوه‌یانی ژ بۆ ئاژانسا فرات نیۆزێ یا په‌كه‌كێ دایه و دبێژه: «شەھیدبوونا ئەندامێ کۆمیتەیا ناڤەندییا په‌كه‌كێ «قاسم ئەنگین» بوویە سەدەما ئێش و ھێرسەکە مەزن».
کالکان گۆت: «ئه‌ز باوەر دکم د پێڤاژۆیا پێش دە، وێ پێنگاڤا تۆلھلدانێ یا قاسم ئەنگین پێک وەرە، د سەری دە پارتی و پێشەنگییا گەریلا، ھەموو جوان و ژن، گەلێ مەیێ ولاتپارێز و دۆستێن مە، ھەموو ھێزێن دەمۆکراتیک ژ بۆ كو پێنگاڤا شۆرەشگەرا قاسم ئەنگین ب سەر بخن ل ھەموو قادان وێ فاشیزما ئاکپێ-مه‌هه‌پێ ھلوەشینن».
ئه‌ڤ داخوه‌یانییا كالكان دهێته وێ واتایێ كو ئه‌و ب خوه ژی پشت راست نینه كانێ وێ پێنگاڤا تۆلهدانا «قاسم ئه‌نگین» پێك وه‌ره یان نا، ژ به‌ر كو ئه‌و دبێژه: «ئه‌ز باوه‌رم كو د پێڤاژۆیا پێش ده وێ وه‌ره ده‌ست پێ كرن»، ئانكو ب پشت راستی ڤه نابێژه كو ئه‌مێ تۆلێ هلدن.
پارتییا كاركه‌رێن كوردستانێ، ژ پاش نه‌مانا پێڤاژۆیا ئاشتیێ، راستی شكه‌ستنێن له‌شكری یێن مه‌زن هاتییه، وێ كارینا خوه‌پاراستنێ ژ ته‌كنۆلۆژییا پێشكه‌تی یا جه‌نگێ یا ده‌وله‌تا داگیركه‌را ترك نینه، د هه‌ر شكه‌ستنه‌كێ ژی ده، دبێژه ئه‌مێ ئۆپه‌راسیۆنا به‌هارێ، زستانێ و پاییزێ بدن ده‌ست پێ كرن، ئه‌مێ جه‌نگێ ڤه‌گوهێزن ناڤا باژارێن تركان، ئه‌مێ فاشیزمێ هلوه‌شینن، لێ به‌لێ وه‌رزێن سالێ ده‌رباس دبن و تو تشته‌ك نایێ دیتن.
