په‌كه‌كێ ئه‌ندامه‌كی كۆمیته‌یا ناڤه‌ندی ژ ده‌ست دا

Kasim ENGÎN (Îsmaîl Nazlikûl)

باله‌فرێن جه‌نگ یێن ده‌وله‌تا داگیركه‌ر یا تركیێ، ئه‌ندامه‌كی كۆمیته‌یا ناڤه‌ندییا په‌كه‌كێ ئارمانج گرت، په‌كه‌كێ ئه‌ڤ یه‌ك سه‌ر راست كر و راگهاند، وی جانێ خوه‌ ژ ده‌ست دا یه‌.

كۆمیتا برێڤه‌بر یا په‌كه‌كێ ئیرۆ رۆژا دوشه‌می 8/6/2020ان، ب داخویانییه‌كه‌ فه‌رمی راگهاند كو فه‌رماندار و ئه‌ندامێ كۆمیته‌یا ناڤه‌ندی «قاسم ئەنگین» ب كۆد ناڤێ «یسمایل نازلکوول»، د ئێریشه‌كه‌ هه‌وایی ده‌ ل ناڤچه‌یا برادۆستی یا هه‌رێما باشوورێ كوردستانێ، جانێ خوه‌ ژ ده‌ست دایه‌.

هه‌ر وها ده‌ست نیشان كر، ئه‌ڤ ئێریش ل 27 مه‌ها رابووری پێكهاتبوو و تێده‌ كاسم ئه‌نگین جانێ خوه‌ ژ ده‌ست دا یه‌.

د داخۆیانییا په‌كه‌كێ دا وها هاتییه‌: »ملیتانێ گەلەکی ھێژا، فەرماندار، رێڤەبەرێ پارتییا مە، ئەندامێ کۆمیتەیا ناڤەندییا په‌كه‌كێ، ھەڤرێ قاسم ئەنگین (ئیسمایل نازلکوول) ل 27 گولانێ د ئێرشا ھەوایی یا دەولەتا ترکا فاشیست دە، ل قادا برادۆستێ یا ھەرێمێن پاراستنێ یێن مەدیایێ شەھید بوویە».

په‌كه‌كێ ئه‌ڤ یه‌ك گۆتییه‌ و پشت راست دكه‌ كو ئه‌وێ ل سه‌ر خەتا رێبەر ئاپۆ تێکۆشینێ ب سەر بخن.

قاسم ئەنگین ب په‌رسیاره‌كێ مه‌زنێ په‌كه‌كێ تێ حه‌ساب كرن، ئه‌و ل سالا 1989ان ته‌ڤلی وێ پارتیێ بوویه‌، ل ئه‌ورۆپایێ، پشتره‌ ل لوبنانێ ل دۆلا بیقاع په‌روه‌رده‌ ل سه‌ر ده‌ستێ ئاپۆ دیتییه‌، پشتره‌ ل باشوور و رۆژئاڤا چالاكیێن په‌كه‌كێ مه‌شاندنه‌، هه‌موه‌خت ئه‌و د لیستا داخوازكریێن ده‌وله‌تا تركیێ ده‌ بوو.

پێگه‌ها داركا مازی ل 27 مه‌ها رابووری، نووچه‌یا ئێریشا كو ئه‌ڤ فه‌رماندارێ په‌كه‌كێ تێده‌ هاتییه‌ هه‌ده‌ف گرتن، وه‌شاندبوو، ئێریش ل چیایێ ئاسۆسێ یێ گرێدای ده‌ڤه‌را ماوه‌تێ ل سینۆرێ پارێزگه‌ها سلێمانیێ پێكهاتبوو كو ژبلی قاسم ئه‌نگین، 4 گه‌ریلایێن دن ژی تێده‌ جانێ خوه‌ ژ ده‌ست دابوو.