باله‌فرێن جه‌نگ یێن ئارته‌شا داگیركار یا تركیێ، حه‌ره‌كه‌تێن په‌كه‌كێ ل سینۆرێ باشوور و رۆژهلاتا كوردستانێ هه‌ده‌ف كرن و زرارێن مه‌زن پێره خستن.
چاڤكانیێن پێگه‌ها «داركا مازی» ل باشوورێ كوردستانێ ده‌ست نیشان كرن، ئیرۆ رۆژا چارشه‌می 27/5/2020ان، باله‌فرێن جه‌نگ یێن ئارته‌شا تركیێ، بلنداهیێن ئاسۆسێ یێن گرێدای ده‌ڤه‌را ماوه‌تێ ل سینۆرێ پارێزگه‌ها سلێمانیێ بۆردۆمان كرن و زرارێن جانی یێن مه‌زن ب په‌كه‌كێ خستن.
ئاگاهیێن كو ژ ناڤچه‌یا ئاسۆسێ گهانه، باس ل جان ژ ده‌ست دانا 5 گه‌ریلایێن په‌كه‌كێ دكن، هه‌ر ئه‌ڤ یه‌ك ژ ئالیێ پێگه‌ها وه‌زاره‌تا پاراستنا نه‌ته‌وه‌یی یا تركیی ژی هاتییه سه‌راست كرن كو ل ئه‌كاونتا خوه یا تویته‌رێ باس لێ كرییه.
بلنداهیێن ئاسۆسێ ل ناڤچه‌یا شارباژێره دكه‌ڤه سینۆرێ ده‌ڤه‌را ماوه‌تێ یا پارێزگه‌ها سلێمانیێ، ب ناڤه‌چه‌یه‌كه سینۆری ل ناڤبه‌را باشووری و رۆژهلات ژ ئالێ ناڤچه‌یا سه‌رده‌شتێ تێ حه‌ساب كرن، گه‌ریلایێن په‌كه‌كێ و پژاكێ تێده هه‌نه
