ل گوندێ قاشقۆلا ئەلباکێ، ئەسکەرێن دەولەتا داگیرکار ئا ترکییێ گولە ل وەلاتیان رەشاندن و ب سەدەما گولەبارانێ جوانێ ٢٠ سالی ئەمراھ گۆرور مر و سایم یلماز ژی بریندار بوو.
ل گوندێ قاشقۆلا گرێدایی ناڤچەیا ئەلباکا وانێ، ئەسکەرێن دەولەتا داگیرکار ئا ترکییێ ل سەر وەلاتیان گولە باراندن، د گولەبارانێ دە جوانێ ٢٠ سالی ئەمراھ گۆرور ژیانا خوە ژ دەست دا.
وەلاتی سایم یلماز ژی ب گرانی بریندار بوو، یلماز، راکرن نەخوەشخانەیا لێکۆلینێ یا ھەرێما وانێ و جەنازەیێ گۆرور ژی راکرن مۆرگا نەخوەشخانەیا دەولەتێ یا ئەلباکێ.
شاھدێن بوویەرێ، دیار کرن کو ئەسکەران گولە باراندن و گۆرور د گولەبارانێ دە ژیانا خوە ژ دەست دا. ھن وەلاتیان ژی ئانین زمان کو گۆرور دەما زەڤی ئاڤ ددا و ھەیوانێن خوە د چەراندن ب شالگەردانێ ھاتیە فەتساندن و دوورە گولە لێ ھاتیە رەشاندن.
ھات ھین بوون کو گۆرورێ بەری ٣ سالان باڤێ خوە وندا کربوو، ل دایک و ٧ خوشک و برایێن خوە مێزە دکر.
