ل گۆر پیلانا په‌كه‌كێ هێرشا مه‌زنا تركیێ ل سه‌ر باشوورێ كوردستانێ ده‌ستپێكر

ل گۆر پیلانا په‌كه‌كێ ئێریشا مه‌زنا تركیێ ل سه‌ر باشوورێ ولات ده‌ستپێكر

ئارته‌شا تركیێ ب سه‌ده‌ما په‌كه‌كێ، ئۆپه‌راسیۆنه‌كا‌ سه‌رانسه‌ری ل هه‌رێما باشوورێ كوردستانێ ده‌ستپێكر و ناڤێ «په‌نج-ئه‌لهۆ» لێكر، د یه‌كه‌م جار دا، 81 پێگه‌هێن په‌كه‌كێ، ل «شه‌نگالێ، زاپێ، ئاڤاشین و قه‌ندیلێ» ئارمانج كرن، په‌كه‌كێ ب ڤێ چه‌ندێ سۆزا خوه‌ بۆ ده‌وله‌تا داگیركه‌را ترك بجهـ ئینا و ب كریار رێ ژ بۆ سوپایێ وێ خۆش كر بهێته‌ باشوورێ كوردستانێ.

ده‌وله‌تا تركیێ ل شه‌ڤا ده‌رباسبووی، ئۆپه‌راسیۆنا به‌رفره‌ها ل سه‌ر هه‌رێما كوردستانێ ده‌ستپێكر، ئۆپه‌راسیۆن ب ناڤێ «په‌نج-ئه‌لهۆ» یه‌، وه‌زیرێ به‌ره‌ڤانییا تركیێ بخۆ‌ سه‌رپه‌رشتیێ ل سه‌ر دكه‌ت، ب كریار ل ده‌مژمێر 8:00 شه‌ڤ ده‌ستپێكر ده‌مێ 17 مۆشه‌ك ل «زنارا كێسته‌» یا ده‌ڤه‌را به‌رواری بالا دان، پاش ل ده‌مژمێر 11:00 هێرشا مه‌زن ل شه‌نگالێ ده‌ستپێكر.

چاڤكانیێن «داركا مازی» ل باشوورێ كوردستانێ ئاشكرا كرن، شڤێدی باله‌فرێن جه‌نگ یێن تركیێ ل ده‌مژمێر 11:00 ده‌ست ب هێرشا مه‌زنا ب ناڤێ «په‌نج-ئه‌لهۆ» ل ده‌ڤه‌را شه‌نگالێ كر و هه‌ر ئێك ژ ناڤچه‌یێن:

  • بورجێ، ل سه‌رێ چیایێ شه‌نگالێ كو خه‌لكێ ناڤچه‌یێ ب عامۆدێ ژی ناڤ دكه‌ت‌.

  • كۆرا سمۆقێ، ل رۆژئاڤایێ شه‌نگالێ.

  • گوندێ كه‌رسێ ل بنارا چیایێ شه‌نگالێ.

  • باب شلۆ.

  • چیایێ كولك ل نێزی گوندێ بارێ.

  • چیایێ هنداڤی گوندێ سكینێ ل رۆژئاڤایێ شه‌نگالێ.

بۆمبه‌باران كرن كو ئه‌ڤ جهه‌ هه‌موو باره‌گه‌هێن په‌كه‌كێ لێ هه‌نه‌، به‌را ڤێ هێرشێ باله‌فران 17 مۆشه‌ك ل «زنارا كێسته»‌ یا ده‌ڤه‌را به‌رواری بالا دان‌.

هه‌ر شڤێدی، باله‌فرێن تركیێ، جهێن په‌كه‌كێ ل هه‌ر ئێك ژ ناڤچه‌یێن «زاپێ، ئاڤاشین و قه‌ندیلێ» بۆمبه‌باران كرن.

81 پێگه‌هێن په‌كه‌كێ ل ده‌ڤه‌را شه‌نگالێ هاتنه‌ ژناڤبرن

د ڤێ ده‌ربارێ دا، وه‌زاره‌تا به‌ره‌ڤانییا تركیێ دیمه‌نێن سه‌رپه‌رشتیكرنا ڤێ ئۆپه‌راسیۆنێ به‌لاڤكرن كو ژ ئالیێ خۆلۆسی ئاكار وه‌زیرێ به‌ره‌ڤانیێ ب خۆ ڤه‌‌ دهێته‌ سه‌رپه‌رشتی كرن و راگهاند كو د هێرشێ دا، 81 جهێن په‌كه‌كێ هاتنه‌ ئارمانج كرن و ژناڤبرن، هه‌روه‌ها ده‌ست نیشان كر كو گورزه‌كێ كوژه‌ك ب په‌كه‌كێ كه‌تییه‌.

وه‌زاره‌تا به‌ره‌ڤانییا تركیێ دوپات كر كو ئه‌ڤه‌ ده‌ستپێكا ئۆپه‌راسیۆنێ یه‌ و هێرش دێ د به‌رده‌وام بن

پشتی پەکەکێ هەموو رێك بۆ تێكدانا ئەزموونا باشوورێ کوردستانێ ب بەهانەیا «براتییا گەلان» بكارئیناین و نه‌شیایی ڤێ چه‌ندێ بكه‌ت، ته‌كیتكا نوی بكارئینا، ئه‌و ژی ته‌كتیكا ئاشكرا كرنا جهێن خۆ ل باشوورێ کوردستانێ بوو، داكو ببیته‌ بەهانە بۆ ترکیێ كو بشێت بهێته‌ باشوور.

هەر ئەڤە ئه‌گه‌ر بوو ده‌مێ مام جەلال تالەبانی د ئاخفتنه‌كا خۆ دا ل سالێن نۆتان ل په‌رله‌مانێ کوردستانێ گۆتی: «هەبوونا پەکەکێ ل باشوورێ کوردستانێ ب تایبه‌تی ل ناڤچەیێن سنۆری یێن دگەل ترکیێ بۆ ژناڤبرنا ئەزموونا باشورێ کوردستانێ یه‌».

تاله‌بانی هه‌روه‌ها گۆتبوو: «په‌كه‌كه‌ ڤێ چه‌ندێ ب گازییا ده‌وله‌تێن دوژمن دكه‌ت».

ئارمانجێن په‌كه‌كێ ژ راكێشانا تركیێ بۆ باشوورێ كوردستانێ

پێگه‌ها «داركا مازی» ژ ده‌ستپێكا وه‌شانا خۆ، ب دوكیۆمێنت باس ل ڤێ پیلانا په‌كه‌كێ كربوو و كانێ چه‌وا په‌كه‌كه‌ بوویه‌ ((پرا ده‌رباسبوونا ده‌وله‌تا تركیێ ژبۆ باشوورێ كوردستانێ))، ئه‌گه‌ر پرس بهێته‌ كرن، په‌كه‌كه‌ چ قازانجه‌كێ ژ ڤێ چه‌ندێ دكه‌ت و چ ئارمانج هه‌نه‌، به‌رسڤ پر ئاسانه‌ ئه‌و ژی:

  • ئێك: پەکەکە د رەوشەکا لاواز دا بوو و نه‌دشیا بەردەوامیێ ب شەری بده‌ت، ژبەرکو هەر ژ سالا 1994ێ ترکیێ ب تانک و تۆپ و بالەفران دربەکێ مەزن ل پەکەکێ دابوو، گوندێن سنۆری هاتبوون ڤالا کرن و پەکەکێ شیانێن ب دەست ئێخستنا خارنێ نەمابوو.

  • دوو: پەکەکێ هه‌رده‌م هەبوونا خۆ ل سەر خوینا شەهیدان و شەری ئاڤا دکەت، گەر شەهید و جەسەدێن گه‌نجێن کورد نەبن، پەکەکە نه‌شێت پرۆپاگندەیان بۆ خۆ بکه‌ت، گەر ل باکورێ کوردستانێ شەر و شەهید نه‌بن، پێدڤییه‌ ل باشوور شەر و شەهید هەبن.

نها ژی په‌كه‌كه‌ ل ناڤچەیا بادینان و برادۆستی ب وان شەرێن دهێنە ئەنجامدان هەمان پرۆپاگندەیان دکەت، پەکەکێ مه‌یدانا شەری ژ باکور ڤەگوهاستییە باشوور، پەکەکە ب تنێ ب ڤێ ئێكێ رازی نابیت و هندەک بەهانەیێن دی دروست دکەت تاکو لەشکرێ ترکیێ ئۆپەراسیۆنان ل باشوورێ کوردستانی بكه‌ت، ئه‌ڤ چه‌نده‌ ژی شڤێدی ب كریار چێبوو، ده‌مێ ئۆپه‌راسیۆنا «په‌نج-ئه‌لهۆ» ده‌ستپێكری، كو دبیت ئه‌ڤ ئۆپه‌راسیۆن رێ خۆش كرن بیت ژ بۆ ئۆپه‌راسیۆنه‌كا په‌یاده‌ یا به‌رفره‌هـ.

پوستێن ھەمان بەش