په‌كه‌كه‌ پرا ده‌رباسبوونا تركیێ بۆ باشوورێ كوردستانێ

په‌كه‌كه‌ ب شەهید و جەسەدێن جوانێن کورد پرۆپاگندەیان ژ خوە رە دكه‌

پاش کو پەکەکێ هەموو رێ بکار ئانی ژ بۆ وێ یەکێ کو ئەزموونا باشوورێ کوردستانێ ب بەهانەیا براتیا گەلان تێک بدە و ب تەمامی باشوورێ ولات رادەستی دەولەتا ترکیێ بکەت و نەکاری ڤێ یەکێ پێک بینە، هەول دا ب تەکتۆکەکە نوو هێدی هێدی ڤی کاری ئەنجام بدە، تەکتۆکا نوو ژی ئەڤ بوو کو ب ئەشکەرە کرنا جیێن خوە یێن ل باشوورێ کوردستانێ بەهانەیان بدن دەولەتا ترکیێ تاکو بکارە وەرە باشوور.

پەکەکە ل سالا 1995ان کۆنگرەیا خوە ل هەفتەنینێ ساز دەکە و پێش كو ئەڤ کۆنگرە ب داوی بە، پەکەکێ وێنەیێن سازکرنا ڤێ کۆنگرەیێ ل هەفتەنینێ ژ رایا گشتی رە پارڤەکرن و دا دیارکرن، ژ بۆ هەموو جیهانێ کو ئەم ل باشوورێ کوردستانێ نە، ئا راست ئارمانجا سەرەکە ئا پەکەکێ ژ ساز کرنا کۆنگره‌یا خوە و راگهاندنا وێ کۆنگرەیێ ژ بۆ رایا گشتی ڤەگوهاستنا شەر بوو ل دژی هەرێما باشووری کوردستانێ و تێکدانا ڤێ پارچەیا ژ نوو هاتیە رزگار کرن ژ ئالیێ گەلێ کورد ڤە و راکێشانا دەولەتا ترکیێ ژ بوو باشوورێ کوردستانێ.

«په‌كه‌كه‌ ب فه‌رمانا ده‌وله‌تێن دژمن ل باشوورێ كوردستانێ یه‌»

هەر ئەڤە سەدەما وێ یەکێ بوو کو مام جەلال تالەبانی رەهمەتا خوەدێ لێ بە د ئاخافتنەکا خوە دە ل سالێن نۆتان دە ل پارلەمه‌نا کوردستانێ ببێژە: «هەبوونا پەکەکێ ل باشوورێ کوردستانێ ب تایبه‌تی ل ناڤچەیێن سینۆری ئێن دگەل ترکیێ دە ژ بۆ فەشەل پێ ئینانا ئەزموونا باشورێ کوردستانێ و فەشەل پێ ئینانا پارله‌مه‌ن و هکوومەتا هەرێما کوردستانێ یە، کو ب یا مە ئەڤ یەک ب فیتا دەولەتێن دژمن تێ ئەنجام دان، و ژ بۆ تێکدانا وێ دیمۆکراسیەتێ یە ئا نها ل باشوورێ کوردستانێ تێ پەیرەو کرن».

مام جەلال د بەردەوامیا ئاخافتنا خوە دە ل پارلەمه‌نا کوردستانی دا دبیژە: «ئەزێ چەندین میناکان باس بکم کو پەکەکە دخوازە باشوور تێک بدە، ئەو دبێژە پەکەکە ل سووریێ هەنە، ل ئیرانێ و هنەک ناڤچەیێن دن ژی هەنە، لی بەلی ل ت ناڤچەیەکێ خوە ئەشکەرە ناکن و هەبوونا خوە د وان ناڤچەیان دە تەکزیب دکن، لێ بەلێ ژ بۆ باشوورێ کوردستانێ راگهاندن کارێن ترکیێ دئینن و ژێرە دبێژن فەرمۆن ئەم ل برادۆست، نێروە و رێکان، زاخۆ و هەموو باشوورێ کوردستانێ هەنە، تاکو ئەڤ رۆژنامەڤانە وێنەیێن وان ببن و د رۆژنامە و کۆڤارێن خوە دە پارڤە بکن و ببێژن فەرمۆن ل باشوورێ کوردستانێ و هکوومەت و سازیێن وێ ئین دن بنێرن کو رێ ددن پەکەکە د ناڤا خاکا وان دە خوە ئامادە بکه‌ت و ئێرشی سەر لەشکرێن ترکیێ بکەت و لەشکرێن مە بکۆژن».

پاش کۆنگرەیێ پەکەکێ ل سالا 1995ان دە “مستەفا قەرەسو” د ئاخافتنەکا خوە دە ب شێوەیەکە نەراستەراست ئامادەئیا پەکەکی ژ بۆ شەرێ دگەل پەدەکی دیار دکەت، پاش ڤێ یەکێ ئۆپەراسیۆنا ترکیێ ئا ب ناڤێ “چەلیک” ل دژی پەکەکێ ل باکورێ کوردستانێ دەست پێ دکە هەیاکو دگەهە ناڤچەیا هەفتەنینێ ل باشوورێ کوردستانێ، د ڤێ ئۆپەراسیۆنا ترکیێ دە زیانێن هەری مەزن ب پەکەکێ کەتن و ئەنجامێن وێ دخواستن ب دەست نەخستن.

ئارمانجێن په‌كه‌كێ ژ راكێشانا له‌شكرێ تركیێ بۆ باشوورێ كوردستانێ

پەکەکێ ژ راکێشانا لەشکرێ ترکیێ ژ بۆ ناڤا خاکا باشوورێ کوردستانێ چەندین ئارمانج هەبوون، یەک ژ وان ئارمانجان ئەڤ بوو کو پەکەکە د رەوشەکە لاواز دە بوو نەدکارین بەردەوامیێ ب شەر بدن، ژبەرکو هەر ژ سالا 1994ان دە ترکیێ ب تانک و تۆپ و بالەفران دربەکە هەری مەزن ل پەکەکێ دابوو، گوندێن سینۆری هاتبوون ڤالا کرن و پەکەکێ شیانێن دەست خستنا خوارنێ نەمابوو.

هەروها پەکەکێ هەرتم هەبوونا خوە ل سەر خوینا شەهیدان و شەری ئاڤا دکە، گەر شەهید و جەسەدێن جوانێن کورد نەبن پەکەکە نکارە پرۆپاگندەیان ژ خوە رە بکت، گەر ل باکورێ کوردستانێ شەر و شەهید تونە بن، پێدڤی دکە ل باشوور شەر و شەهید هەبن، پەکەکێ شەر ب پەدەکێ رە فرۆت لێ بەلێ وەها ددەت خوەیا کرن کو پەدەکە هەڤکارا دوژمنە، نها ژی پەکەکە ب ڤان پرۆپاگندان کار دکە، نها ژی ل ناڤچەیا بادینان و برادۆست د وان شەرێن دهێنە ئەنجامدان دە هەمان پرۆپاگندەیان دکە، پەکەکێ گۆرەپانا شەر ژ باکور ڤەگوهاستیە باشوور، پەکەکە ب تەنێ ب ڤێ یەکێ رازی نابە و هنەک بەهانەیێن دن دروست دکە تاکو لەشکرێ ترکیێ ئۆپەراسیۆنان ل باشوورێ کوردستانی بکت.

پوستێن ھەمان بەش