ل باكور ئیرۆ ژ بۆ په‌كه‌كێ رۆژه‌كه‌ ره‌ش بوو

ل باكور ئیرۆ ژ بۆ په‌كه‌كێ رۆژه‌كه‌ ره‌ش بوو

پارتییا كاركه‌رێن كوردستانێ، 7 گه‌ریلایێن خوه‌ ل باكورێ ولات ژ ده‌ست دان، 4 ژێ پله‌دار بوون و ده‌وله‌تا داگیركه‌ر خه‌لات ژبۆی دانا پێزانینان ل ده‌ربارا وان ده‌ست نیشان كربوو.

چاڤكانیێن پێگه‌ها »داركا مازی« ل باكورێ كوردستانێ ئه‌شكه‌ره‌ كر، په‌كه‌كێ د په‌ڤچوونێن ل گه‌ل ئارته‌شا تركیێ ده‌ ل داوییا هه‌فته‌یا رابووری، 7 گه‌ریلا ل سێرتێ و فه‌راشینێ ژ ده‌ست دانه‌، 4 ژێ پله‌دار بوون.

ل گۆر ئاگاهیێن كو هاتنه‌ ب ده‌ست خستن، 4 گه‌ریلایێن پله‌دار ئه‌ڤن:

1- ئه‌سما ئه‌فشار ب كۆد ناڤێ ژیان/ لیستا پرته‌قالی

2- فه‌رید دانشمان ب كۆد ناڤێ ماهر نه‌مروود/ لیستا گه‌ور

3- ئیسماعیل دۆمان ب كۆد ناڤێ ئازاد/ لیستا گه‌ور

4- باسری جانێ ب كۆد ناڤێ برۆسك/لیستا پرته‌قالی

كو وان د لیستا داخوازكرییان یێن ده‌وله‌تا داگیركه‌ر ده‌ جی دگرتن و خه‌لات ب قاسی ملیۆن لیره‌یان ژ بۆ دانا پێزانینان ل ده‌ربارا وان هاتبوون ده‌ست نیشان كرن.

ئه‌ڤ گه‌ریلا د په‌ڤچوونێن سێرتێ و فه‌راشینێ یا ناڤچه‌یا هه‌كاریێ ده‌ جانێ خوه‌ ژ ده‌ست دانه‌.

تێ زانین ل ڤێ هه‌فته‌یێ، پله‌دارێ په‌كه‌كێ یێ ب ناڤێ «ئه‌كره‌م ئیپتاش» ژی د ئێریشه‌كه‌ باله‌فران ده‌ ل فه‌راشینێ هاتبوو ئارمانج گرتن.