پارتیێن یەکێتییا نشتمانییا کوردی و ئەنجوومەنا نشتمانی یا کوردی ل سووریێ ئەنهکسێ، قۆناخا یەکەمینا دیالۆگێن یەکێتیێ ب داوی كرن و گھشتنە نهرینەکە سیاسی یا ھەڤپار.
ھاتە دیار کرن کو دێ دیالۆگ ل سەر بنگەھا «پەیمانا دھۆکێ» بەردەوام بکە و د رۆژێن پێش دە پەیمانەکە گشتی وێ وەرە ئیمزە کرن.
داخویانیا ھەڤپار وھایە:
د 16ی خزیرانێ دە، شاندێن مەجلسا نیشتمانییا کوردی ل سووریێ و پارتیێن یەکێتییا نشتمانی یا کوردی، پێڤاژۆیا دەستپێکێ ژ دیالۆگا کوردی ب داوی کر و ب ھەڤ رە گھیشتن نهرینەکە سیاسی یا ھەڤبەش و لھەڤکرنێن پێشین کو بەندێن «رێڤەبرن، ھەڤبەشی، ئەولەھی و پاراستن» یێن پەیمانا دھۆکێ یا 2014ان بکن بنگەھا بەردەوام کرنا دان و ستاندن و دیالۆگێن د ناڤبەرا ھەر دو شاندان دە، وێ پەیمانەکە گشتی د پێشەرۆژهكه نێز دە ئیمزە بکن.
ھەر دو شاندان تەکەزی ب ھەڤکاری و یەکێتییا کوردی ل سووریێ کر و ئەڤ گاڤ وەکە گاڤەکە دیرۆکی یا گرینگ بەر ب لھەڤکرنەکە مەزنتر و ھەڤکارییەکە پراتیک د بەرژەوەندیێن گەلێ کورد ل سووریێ و ھەموو پێکھاتەیێن سووریێ دە پێشوازی کرن.
ھەر دو شاندان ئەڤ خەبات ئۆخری جانگۆریێن مەزنێن جوان و کەچێن رۆژئاڤا ب تایبەت شەھید و بریندارێن کوردستانێ و مالباتێن وان کرن كو د جهنگا دژی داعشێ ده خوه فهدایێ كوردستانێ كرنه.
ھەر دو شاند، ژ بۆ ئینسیاتیفا وی یا یەککرنا رێزا کوردی ل سووریێ، مەزلووم ئەبدی ب رێزداری سپاس دکن و ژ بۆ دەستەک و کەدا وان یا د یەککرنا رێزا کوردی دە رێزدار سەرۆک مهسعوود بارزانی و سەرۆکێ ھەرێما باشوورێ کوردستانێ نێچیرڤان بارزانی سپاس دکن.
ھەر وھا ژ بۆ سپۆنسەری و دەستەکا وانا بھێز ژ بۆ یەکرێزییا کوردان و پشتگرییا وان ژ میسۆگەرکرنا پێشەرۆژەکە دەمۆکرات و پرئالی ل سووریێ کو مافێ ھەموو پێکھاتەیان تێ دە بێ رێزگرتن، دەولەتا ئامەریکا سپاس دکن.
پهیمانا دهۆكێ چیه؟
ل 14ی چریا یهكێ یا سالا 2014ان ههیا 22ێ ههما مههێ، زنجیرهیهكه جڤینان ب سهرپهرشتییا سهرۆك مهسعوود بارزانی ل ناڤبهرا ئالیێن رۆژئاڤا هاتن ل دار خستن، وهكه تهڤگهر جڤاكێن دهمۆكرات تهڤ-دهم، ئهنجوومهنا نشتیمانییا كوردی ئهنهكهسه، ئهڤ ئالی گهان لههڤهاتنهكێ و ناڤێ پهیمانا دهۆكێ لێ هات كرن.
بهندێن پهیمانێ ئهڤن:
لێڤهگهرهكه سیاسی یاكوردی وهره ئاڤا كرن، ب ئاوایهكی وها كو 40% ژێ تهڤ-دهم به، 40% ئهنهكهسه و ههروها 20% پارتیێن دن.
