هه‌ركو دچه ئێریشا ده‌وله‌تا داگیركه‌را ترك ل سه‌ر باشوورێ ولات دژوار دبه، په‌كه‌كه ژی پێتر خوه نێزی گوندان دكه و ب ڤێ سه‌ده‌مێ، ب ئاوایه‌كی سیستماتیك گوند و جیێن كو گه‌لێ سڤیل تێده نه دكه‌ڤن به‌ر رۆكه‌تێن باله‌فران.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ر كرن، ئیرۆ رۆژا دوشه‌می 22/6/2020ان، ده‌وله‌تا ترك ئێریشه‌كه دن یا هه‌وایی ل سینۆرێ پارێزگه‌ها دهۆكێ ئه‌نجام دا و سینۆرێ ناڤچه‌یا شێلادزێ بۆمبه كر.
ئێریش ل ده‌مژمێر 2:30 سه‌رێ سبێ یا ئیرۆ پێكهات، وه‌ختا كو باله‌فران د ته‌عقیبا حه‌ره‌كه‌تا په‌كه‌كێ ده، 2 رۆكه‌ت ل ناڤچه‌یا «ناڤا گه‌رێ» ل چیایێ كۆره‌ژار یێ ئاقارێ گوندێ «بێسه‌پی» گرێدای ناڤچه‌یا شێلادزێ دا نه.
ل گۆر ئاگاهیێن ده‌ستێ مه، زرارێن ڤێ ئێریشا هه‌وایی نه‌هاتن ده‌ست نیشان كر، لێ به‌لێ ترسه‌كه هه‌ری زێده ل جه‌م گه‌لێ ناڤچه‌یێ چێبوویه و زرار گهانه ره‌ز و باغێن وان.
ئیرۆ 7 رۆژ ل سه‌ر ده‌ست پێ كرنا ئێریشێن ده‌وله‌تا تركیێ ل سه‌ر باشوورێ كوردستانێ ده‌رباس دبن، هه‌یا نها 5 هه‌مولاتیێن سڤیل شه‌هید كه‌تنه، 3 ژێ ل ناڤچه‌یا شێلادزێ بوون.
