حه‌فته‌نین كه‌ت و شەرڤانێن «جەنگا حەفتەنینێ» خوه‌یا نەکرن

حه‌فته‌نین كه‌ت و شەرڤانێن «جەنگا حەفتەنینێ» خوه‌یا نەکرن

گه‌ریلا دبێژن‌ ئەم کەتینە چ حالی کو یێن وەک «رێزان» نوونەراتییا ڤێ حەرەکەتێ بکن

پەکەکێ د سالێن 90ان ده‌،  ھەرتم د گۆتنێن خوە دا شەرڤانێن خوە ئیقنا دکرن کو ئەگەر ترک بێن و باشوورێ کوردستانێ داگیر بکن، وێ باشتر بە ژ بۆ شەرێ دگەل ترکان ده‌، ژ بەر کو ھەم وێ مەیدانا مەیا شەر بەرفرەھ بە، ھەم ژی وێ ترک بکەڤن ناڤ رەوشەکە وھا کو ئێدی نکارە خوە ژ ناڤ ڤی شەری ڤەکشن و ژ به‌ر ڤێ سه‌ده‌مێ پێویسته‌ ئه‌م هه‌ول بدن تركان بئازرنن، دا كو وەرن ناڤا باشورێ كوردستانێ.

بۆ میناک پەکەکێ د ناڤا جڤینێن خوه‌ ده‌ دگۆت چەوا «ڤییەتنامێ» ئامەریکا خسته‌ د شەرەکی ده‌ کو ب بنکەفتنا ئامەریکایێ ب داوی بوو، ئەم ژی دێ ب وی ئاوایی ترکیێ راکێشن د ناڤا شەرەکی دە کو ب بنکەفتنا وێ ب داوی ببە، ب ڤێ پەروەردێ گەریلایێن خوە ئیقنا دکرن کو دەولەتا ترک دێ ب ڤی رەنگی ژ ناڤ بەن.

ده‌ما کو ئاپۆ ڤەگەری ترکیێ، دەورەیا پەروەردەیا کادرۆیان ل دۆلا «خرپاپێ» ل چیایێ قەندیلێ ل نیسانا 1999ان ژ ئالیێ دەستەیا کۆنسەیا پەکەکێ ب خوە ڤە د هات ب رێڤە برن و کەسێن وەکە «جومعا، فەرھات ،کانی یلماز، فوئاد و عەباس» ھەموو ئامادەبوون و پەرەوەردە ددا كادرۆیان و د پەروەردێ دا میناکێن ب ڤی رەنگی باس دکرن.

شۆرشا باشوورێ کوردستانێ کەلەجانەک و ھێڤییێن ھەموو کوردێن ھەر چار په‌رچه‌یان و یێن بەلاڤی دنیایێ بووی چێکربوون

پەکەکێ ل سالێن 92-95-97ان دگۆت مە سینۆر د ناڤا ھەردو په‌رچەیێن کوردستانێ دا راکرنە، ئەڤ میناکە د دەورێن پەروەردێ یێن زڤستانێ ده‌ دھاتن دایین، ئامادەکاریێن خوە دكرن ژ بۆ شەرێ دژى ھێزێن باشوور، پرۆپاگاندا ل دژى پارتیێن باشوور دكرن و ئەو وەکە ھەڤکارێن داگیرکه‌ران ددان ناساندن و ب خائین ناڤ دکرن، لێ پیلان پر بەرفرەھتر بوو ژ وێ یەکا دھات نیشاندان، د راستی دە ھەدەفا پەکەکێ یا سەرەکە ئه‌وبوو كو حکوومەتا هەرێما کوردستانێ و پێشمەرگە و رێڤەبەرێن باشوور ل بەر چاڤێن گەلێ کورد ب گشتی و گەلێ کورد ل باشوور ب تایبەتی بشکێنە و تەشهیرێ ب وان بکە، ژ بەر کو شۆرشا باشوورێ کوردستانێ، کەلەجانەک و ھێڤی یێن ھەموو کوردێن ھەر چار په‌رچه‌یا و کوردێن بەلاڤی دنیایێ بووی چێکربوون  و د وێ سەردەمێ ده‌ ھەموو پارتی و حەرەکەتێن کوردی ناکۆکی یێن ناڤخوەیی دانابوون ئالییەکێ ژ بۆ كو بکارن ڤان دەستکەفتییان بپارێزن، لێ بەلێ ئەڤ یەک ژ بۆ رێخستنەکە وەکە پەکەکێ جیێ قەبوول کرنێ نەبوو، ژ بەر کو د ئایدۆلۆژییا پەکەکێ دە ژ بلی پەکەکێ و پارتیێن سەر ب وێ ڤە و ئۆجالان، پارتی و سەرکردەیێن دن یێن کورد هەر هەموو خائین و جاش و ولاتفرۆشن.

لێ بەلێ تشتێ بالکێش ژی ئەوە کو تو سەرکردەیەک کورد مینا ئۆجالان زوو تەسلیمی دەولەتێن دژمن نەببوو،  د دانپێدانێن رێبەرێ پەکەکێ دە کو گەلەک ڤیدیۆ دیمەنێن وی ھەنە دبێژە: «ئەز د بن خزمەتا دەولەتا ترک ده‌ مە»، سەرەرای ڤێ یەکێ گەر مرۆڤ باش فکرێ ل سەر بکە تو گومان ل سەر وێ یەکێ نامینە کو بەرى ئۆجالان بزڤرە ترکیێ، دەست د گەل میتێ ده‌ هه‌بوو، باشترین بەلگە ژی ل سەر ڤێ ئاخافتنێ ئەوە کو ئەندامێن «ئەرگەنەکۆنێ» و زەلامێن دەولەتێ وەکه‌ «دۆغو پەرینچەک و یالچین کوچوک» ل سالێن 90ان ده‌ دەردکەتن پێش، وان دگەل ئۆجالان دە پێوەندییەکه‌ خۆرت ئاڤاکر بوون ب ئاوایەکی وها کو ڤان کەسان بەشدارییەکه‌ ئاکتیڤ د دەورەیێن پەروەردێ یێن كادرۆیێن پەکەکێ دە هه‌بوو و د چەندین دیمەنێن ڤیدیۆیی دە ملێ وان ب ملێ ئۆجالان ڤە بوو، هنەک کەس وها دفکرن کو «دۆغۆ پەرینچەک و یالچین کوچوک» د دانینا ئایدۆلۆژییا پەکەکێ و ئاراستەکرنا وێ رێخستنێ دە رۆلەکە سەرەکە هەبوو، ب ئاوایەکی وها کو ئەڤ کەس ب مامۆستەیێن ئۆجالان هاتن ناڤ کرن.

یالچین مامۆستەتی و شێورمەندی ژ بۆ عەبدوللا ئوجا‌لان دکر، کا دێ چەوا ب پیلانێن خوە یێن قرێژ ب دەستێ ئۆجالان و پەکەکێ دەستکەفتێن کوردان کو ب خوینا سەدان ھەزار شەهیدان و ئەنفال و مالوێرانییا کوردان ھاتینه‌ قازانج کرن ژ ناڤ ببەن وهه‌رده‌م عه‌بدوللا ئۆجالان دگۆت: «یالچین مامۆستایێ منه»‌.

گوندێن هه‌وه‌ سه‌دامى كرینه‌ و ئه‌م ل ڤر نوونه‌رێن سه‌دامی نه‌

دەما کو حکوومەتا ھەرێمێ ھاتی دامەزراندن و دنیایێ دانپێدان ب پارلمه‌ن و حکوومەتا ھەرێمێ کری، پەکەکێ کۆمارا زاپێ راگهاند و بێی کو بکارە گوندەکی ژ خاکا کوردستانا باکور رزگار بکە، ل سەر دەستکەفتێن خەلکێ باشوور و ھەرێمێن رزگار کری مەجلیسا ب ئەشکەرە ئاڤا کرن، ئارمانج ژ ڤێ یەکێ ئەو بوون کو ھەرێمێ ھەدەف بکەن و بەھانەیان چێکەن ژ بۆ دەولەتا ترکان کو دەرباسی خاکا باشوور ببە و باشورێ كوردستانێ ببه‌ مه‌یدانا شه‌رى و براستی ژى ئه‌و ئارمانج بجهئانى.

ژ ئه‌نجامێ وان شه‌ران، جیێن هه‌ری ستراته‌ژیك ل باشوورێ هاتن‌ قەدەغە کرن و نەھشتن کو خوه‌دیێن وێ ناڤچەیێ بکارن بزڤرن سەر گوند و خاكا خوە و گوند هه‌موو هاتن‌ كاڤل كرن، به‌رى سه‌رهلدانێ ئه‌و گوند ژ ئالیێ ده‌ستهه‌لاتا به‌عسییان ڤە هاتبوون كاڤل كرن و پشتى سه‌رهلدانێ ژ ئالیێ چه‌كدارێن پەکەکێ ڤە دیسان هاتن‌ كاڤل كرن، د ڤێ دەمێ دە گۆتنا هه‌ر ب ناڤ و ده‌نگ ژ ئالیێ پەکەکێ ڤە بۆ گوندی و جۆتکاران ئەڤ بوو: «گوندێن هه‌وه‌ سه‌دامى كرینه‌ و ئه‌م ل ڤر نوونه‌رێن سه‌دامی نه»‌.

پشتره‌ «ھەرێمێن پاراستنا میدیا» ئاڤا کرن و ب دنیایێ ده‌ راگھاندن کو ئەڤ ھەرێمێن ئازاد کرینە كو مه‌به‌ستا وان گوندێن باشوورن و دگۆت: «تو ھێزەک نینە ڤێ دەڤەرێ ژ دەست مە دەرخینە، دەرفەت نەدان کو پێشمەرگە و خەلکێ ڤێ دەڤەرێ ڤەگەرە وان جیێن کو د ئەسل دە د دەستێ پێشمەرگەیان دە بوو».

پەکەکێ ب ملیۆنان دۆلارێن مللەتێ عەفرینێ ژ خوە رە برنە چیا و دگۆت ھەموو کەتییە دەست چەتەێن تركان

موراد کارایلان دگۆت: «گەر ترکیە بكه‌ڤه‌ ناڤا عه‌فرینێ، ئەمێ شەر ببین د ستەنبۆلێ و ئەنقەرەیێ دە»، لێ بەلێ ترکیێ عەفرین داگیر کر و نە ب تەنێ پەکەکێ شەر نەبر د ناڤا ستەنبۆل و ئەنقەرەیێ دە، بەلکو شەرێ خوە ڤەگوهاست د ناڤا خاکا باشوورێ کوردستانێ دە، گەلۆ دبە رایەدارێن پەکەکێ فەرقیێ د ناڤبەرا دهۆکێ و ستەنبۆلێ دە نەکن کو ئەڤ کارە کربه‌؟!!

پەکەکێ ھەمان سیاسەت ل عەفرینێ ژی مەشاند، دەما عەفرین کەتی دەست پەکەکێ و یێن گرێدایی وێ، بەرژەوەندیێن گەلێ عه‌فرینێ نە د خەما وان ده‌ بوو، عه‌فرین ب ئەشکەرە کر مەیدانەک ژ بۆ کارێ حیزبی، دیسان ب ئەشکەرە عه‌فرین کرنە دەروازەیەک ژ بۆ ھاتن و چوونا گەریلایان ژ بۆ باکور و دەڤەرا چیایێن «ئامانۆس»، پۆستەرێن ئاپۆ یێن مەزن کو ل ئاسیمانان ژی خوەیا بوون، ل سەر سینۆر دانان و ب تو ئاوا ئەولەھییا خەلکێ عه‌فرینێ ل بەر چاڤ نە گرتن، ژ بەر کو یا گرنگ ژ وان رە بەرژەوەندیێن حزبینە، هەرتم ژ ئالیێ رایەدارێن پەکەکێ ڤە گەف ل دەولەتا ترکان دهاتن کرن، کەسەکی وەکە موراد کارایلان دگۆت: «گەر ترکیە تێکەڤە ناڤا عه‌فرینێ، ئەم وێ شەر ببین د ناڤا ستەنبۆلێ و ئەنقەرەیێ دە»، لێ بەلێ ترکیێ عەفرین داگیر کر و نە ب تەنێ پەکەکێ شەر نەبر د ناڤا ستەنبۆل و ئەنقەرەیێ دە، بەلکو شەرێ خوە ڤەگوهاست د ناڤا خاکا باشوورێ کوردستانێ دە، گەلۆ دبە رایەدارێن پەکەکێ فەرقیێ د ناڤبەرا دهۆکێ و ستەنبۆلێ دە نەکن کو ئەڤ کارە کربه‌؟!! كریارێن پەکەکێ ل رۆژئاڤا ژ بۆ ترکێن داگیرکەر و ھۆڤ بەھانە چێکرن کو ترکیە ب چەتەیێن خوە ڤە بکەڤە د ناڤا عه‌فرینێ ده‌، ل داویێ ژی د شەرێ سەر سینۆر ده‌ ب سەدان زارۆیێن خەلکێ ھەژار و فەداکار دان شەھید کرن و مللەت ب جی ھشتن و پەکەکێ ب ملیۆنان دۆلارێن عه‌فرینێ ژ خوە رە برنە چیا و دگۆت ھەموو کەتییە دەست چەتەێن تركان.

پەکەکە ھاتییە رەوشەکی وها کو پیرە دایکێن مە و زارۆکێن بچووک ژی دل پێ بشەوتە و بۆ بگرین

گەلۆ چ ل وێ ھێزا ب ھەیبەت ھات؟،  «میدی» ئه‌و قەومه‌ كو د دیرۆکێ ده‌ ب وی ناڤی ئیمپراتۆرییەت ئاڤا کری و داگیرکار ژ ناڤ دبرن، چما ئه‌ڤ ناڤ ئەو قاس هات سڤک و بێ رومەت کرن

 ئەو دەمەک بوو کو ترکان ھەرەشە و گەف ژ بۆ داگیرکرنا سەر عه‌فرینێ دکر، پەکەکێ باش دزانی وێ ئارتێشا ترکان وەرە، لێ دیسان ب چوو حەرەکەتێن کوردی رە لھەڤ نەکرن و ھەیا کو عه‌فرین کەت دەست دژمنێ کوردان، ئەڤ کار و پراکتیکێن وان، ژ بۆ «سەرێکانیێ و گرێسپی» ژی بەردەوام کر، ل شەنگالێ ژی ب بێ رومەتی د بن ناڤێ «یەبەشێ» ده‌ بوونە جاشێن حەشدا شەعبی و د بن ئالا ئیراقێ دە مەراسیمان چێدکن و گۆڤەندان دگێرن.

پەکەکێ دخوەست پێشمەرگە ژ شەنگالێ دەربکەڤە، داکو بکارە کارێن خوە یێن ئیخانەتێ ب سەربەستی ب مەشینە، نھا ئەو ناڤچەیێن کو پەکەکێ ب «هەرێمێن پاراستنا میدیا» ناڤ کربوون، د دەمەکی کن ده‌ خستنە دەستێ ترکان، ب ئاوایەکی وەها کو ئێدی پەکەکە ب گرۆپێ بچووک ژی نکارە ل دەڤەرێن پاراستنا میدیا بگەرن، گەلۆ چ ل وێ ھێزا ب ھەیبەت ھات، ئەو ناڤێ کو «میدی» قەومەکێ د دیرۆکێ دا ب وی ناڤی ئیمپراتۆرییەت ئاڤا کری و داگیرکار ژ ناڤ دبرن چما ئەو قاس هات سڤک کرن و بێ رومەت کرن؟! نھا پەکەکێ ئەو ناڤچە وها لێ کرنە کو ئەو ب خوە ژی نکارن 10 مەتران ژی ب سەربەستی تێدە ھەرەکەتێ بکەن، ئەو گه‌ریلاێن کو خوە ب سه‌ده‌هان فەرمانداران نە دگوھه‌رتن، نھا کراسەک و شەلوالەکی سڤیل ل بن چەنگییە و چەکێ وی ژی د ناڤا ته‌لیسه‌كی ده‌ یە و د ناڤا گوندان دە خوە دپارێزن، پەکەکە ھاتییە رەوشەکی وها کو پیرە دایکێن مە و زارۆکێن بچووک ژی دل پێ بشەوتە و ژ بۆ بگرین.

ئەرێ هەرێمێن پاراستنا میدیا دێ ب کلاشینکۆفا د ناڤا ته‌لیسی ده‌ و ب شەلوال و کراسێ مەدەنی وەرە پاراستن؟!

پەکەکێ ب ڤان پرۆپاگندایێن خوە كاری تركیێ کێشی باشوور بکه‌، ئەڤ یەک بوو سەدەم ژ بۆ ترکێن داگیرکەر داکو ئۆپەراسیۆنێن خوە یێن کو ناڤێ «حەیوانان» لێ کرنه‌ وەک «پەنجێ باز» و «پەنجێ پلنگ» دەست پێ بکن

جیێ داخێ یە کو نکارن خوە بپارێزن، ل سالا 2018-2019ان دا، «خواکورک، خنێرە، زاپ، ئاڤشین» ئەڤ دەڤەر ھەموو رادەستی دەولەتا ترکیێ کرن، ب بێشەرمی سووچ د ئاڤێتە سەر حکوومەتا ھەرێمێ، پەکەکێ ب وان ئامادەکاریێن ب سالان کری و شکەفتێن ژێر ئەرد نەکارین دوو مەھان ژی وان ناڤچيیان بپارێزن، بەس ناڤچەیەک مابوو کو ترکێن داگیرکەر نەکەتبوون تێده‌ ئەو ژی «حەفتەنین»ێ بوو، پەکەکەیی ژ بۆ کو خوە بدن نیشاندان خوە د رۆژەڤێ دا بگرن، بەردەوام دەولەتا ترکێن فاشیست ئیستیفزاز بکەن، ناڤێ «جەنگا حەفتەنین»ێ د مەدیایێن خوە دە نە ب جارەکی بەلکو ب هەزاران جاران ئانین، ئەڤ سالەکە «جەنگا حەفتەنین»ێ د رۆژەڤێ ده‌ یە، یێ کو نزانە دێ ببێژە قەی ئەڤ شەرێ سینگ ب سینگ یێ «سۆنگۆیایێ» یه‌.

شەرڤانێن «جەنگا حەفتەنینێ» خوه‌یا نەکرن و حەفتەنین د ناڤا چەند سائەتان دا ب جی ھشتن

پەکەکێ پر جاران باس ل کوشتنا ھنەک عەسکەران کر، ب ڤی رەنگی ل داویێ کارین دەولەتا ترکان ب ڤان پرۆپاگندایێن خوە کێشی باشوورێ کوردستانێ بکن، ئەڤ یەک بوو سەدەم کو ببە بەهانەیەک باش ژ بۆ ترکێن داگیرکەر داکو ئۆپەراسیۆنێن خوە یێن کو ناڤێ «حەیوانان» لێ کری وەک «پەنجێ باز» و «پەنجێ پلنگ» دەست پێ بکن، دیسان دەڤەر و گوندێن کوردێن ھەژار و کاسبکار تۆپباران بکەن، ب شەوتینن و خەلکێ سڤیل شەھید بکن، لێ دیسان شەرڤانێن «جەنگا حەفتەنینێ» خوه‌یا نەکرن و حەفتەنین د ناڤا چەند سائەتان دا ب جی ھشتن، دیسان یێن بووینە قوربانیێن ڤێ جەنگێ ھەر خەلکێ دەڤەرێ بوو، ئەگەر فەرماندارێن وەک «رێزان» ل سەر وێ جەنگێ بن، بێ گۆمان دێ رەوش ب ڤی ئاوای بە، فەرمانداره‌ک کو تو جاران ل مه‌یدانا شەر نەمابە و گوللەیەک ب تەنێ ژی نەتەقاندبە تاکە تایبەتمەندییا وی ب تەنێ ئەوبە کو زەلامەکی نێزی «جەمال و جومعا» بە، هەلبەت وێ نەکارە شەر ب رێڤە ببە، «رێزان» ھەرتم ھەڤالێن خوە راپۆری ژۆر دکرن و جھێ خوە ل گەل وان چێدکر، ھەیا کو بێ کەد وی بکن بەرپرسیار، گەلەک ھەڤالێن وی دزانن کانێ چ کەسە و چ خەبات د ناڤ ڤێ رێخستنێ ده‌ هەیە، د کاری ڤێ بەرپرسیاریێ بکە ئان نا.

ئەم کەتینە چ حالی کو یێن وەک رێزان نوونەراتییا ڤێ حەرەکەتێ بکن

«رێزان جاوید» پێش نھا هەرتم دەردکەت و د راگھاندنێ ده‌ و ئێریشی پەدەکێ و مالا بارزان دکر، ئا نھا دەنگ ژێ دەرنا ئێت، ئەڤ کەسێ کو ب «رێزان جاوید» تێ ناس کرن، ل سالا 2003ان تەڤلی رێخستنێ بوو، دەم درێژی ل چاپەمەنییا پژاکێ دما، ھەردەم وەک جاسۆسەکێ د ناڤا ھەڤالێن خوە دا ناکۆکی چێدکرن و ھەڤالێن خوە راپۆری ژۆر دکرن، د ناڤ پژاکێ دا ببوو چاڤدێرێ کۆنسەیێ، پشتی دەمەکێ د کۆنگرەیا 2008ان ده‌ ل دۆلا شەھید ھارۆن ل قەندیلێ، پەکەکێ ژ بۆ ھلبژارتنێ د لیستا کۆنسەیێ دا جی دانێ، لێ نەھاتە ھلبژارتن، دیسان ژ تەرەفێ کۆنسەیێ پشتی دەمەکێ ئەو ئێخستنە د ناڤ رێڤەبەریێ ده‌، ھەیا دەمەکێ کو ل سالا 2014ان ده‌ جڤینێن حزبێن کوردستانی ژ بۆ ئامادەیی یێن کۆنگرەیا نەتەوه‌یی ل ژێر سەرۆکتیا «مەسعوود بارزانی» دە، ئەو ژی د گەل «سەبری ئۆک» و دەستەیا د وێ جڤینێ دا ب تەمسیلا پژاکێ جی گرت، ئەڤ چۆینا وی گەلەک ھەڤال پێ نە رحەت بوون، گۆتنێن ھەڤالا دگۆتن ئەڤ بوون: «ئەم كه‌تینه‌ چ حالی کو یێن وەک رێزان نوونەراتییا ڤێ حەرەکەتێ بکن».

«رێزان جاوید» ژ ئالیێ سەرۆکێ کەجەکێ ڤە هاتە شاندن ژ بۆ رێڤەبەرییا حەفتەنینێ یا 5 کەسی و بوو بەردەڤکێ وان ھەر 5 کەسێن رێڤەبەر، مەبەست د ڤێ ئەرکدارکرنا رێزان ده‌ ئەڤ بوو کو بۆ دەمێ پێش ده‌ فێری رێڤەبەریێ بکەن و ل جهەکی نێزیکی کۆنسەیێ ئەرکدار ببە، داکو چاڤدێریێ لێ بکن و بێژن د ناڤ شەر دە مایە و وی ل پێش چاڤێن شەرڤانێن مەزن، مەزن بکن، دا کو پاشان ژ بۆ «کۆدارێ و پژاکێ» ب ئینن، نە کێشەیە کو رێزان و کەسێن وەکە وی یێن نەزان ل سەر خوینا شەھیدان مەزن ببن بێ کو بچە مه‌یدانا گەریلاتی یا وەک باکور و ب کەد و جەسارەتا خوە پێش بکەڤە، ئەڤێ یەکێ ھەمی کادرۆ رێڤەبەر دزانن، ژ خوە گەلەک کەسێن د ناڤا رێڤەبەرییا پەکەکێ ده‌ بێ کو دژمنی ب دووربینێ ژ دوورڤە ژی ببینن یێن بووینە کۆمتان و رێڤەبەر د ناڤا پەکەکێ دە.