دڤان روژاندا، ئەوا ل سەر جۆگرافییا عیراقێ و هەرێما کوردستانێ دهێتە ئهنجامدان و نە پێکدادانەکا سیاسی یا سادەیە و نە ژی کێشەیا سنوور و بەرژەوەندیێن دەمەکی یە، بەلکو قەیرانا بوونێ یە، کو جەوهەرێ دەولەتێ و شوناسێ دئێخیته بن پسیارێ.
ململانێیا ئیران و ئەمریکا ئیدی ژ چوارچۆڤێ سیاسەتا ریالیستی دەرکەفتیە و چوویە د ناڤ خانەیا سەپاندنا حەقیقەتێ دا.
راپۆرتێن هەرە کویر یێن ناڤەندێن ڤەکۆلینێن جیهانی، ئاماژێ ب هندێ ددەن کو عیراق نوکە ل بەرامبەر دوو جۆرێن هێزێ نە، هەر یهك ژ وان هێزا دڤێت جیهانێ ب تێگههێ خو یێ تایبەت پیناسە بکەت.
عیراق ل ڤێرە بوویە تاقیگەها هەرە مەزن یا ڤێ ئەزموونا ب ئازار.
ئەو ئەنجامێ کو تا نوکە چ سازیێن لێکۆلینێ ب ڤی رەنگی وێرانه نهشیاینه دهستنیشان بكهن ئهڤا خوارییه: ململانێیا ئیران و ئەمریکا ل سەر ئاخا مه نە بۆ سەرکەفتنەکا یەکجاری یە بەلکو بۆ مانەڤەیا بێ دوماهیكه د حالەتێ شەڕی دا.
زلهێزان پێدڤی ب عیراق و کوردستانەکا نە ئارام هەیە، دا کو شەرعییەتێ بدەنە هەبوونا خوە یا سەربازی و ئابووری.
ل ڤێرە، پێدڤییا مە ب ئەقڵەکێ سیاسی یێ رادیکال و رەسەن هەیە، ئەقڵەکێ کو بشێت کوردستانێ ژ ئامرازبوونا د دەستێ ئەویێ دی دا دەربێخیت و بکەتە كاراكتهرهكێ سەربەخۆ کو ب زمانێ بوونا خوە باخڤیتئاخفتنا خو بکەت.
