ئێریشا ده‌وله‌تا ترك ل سه‌ر پارتییا كاركه‌رێن كوردستانێ ل باشوورێ ولات ده‌وام دكه، زرار پرن لێ به‌لێ په‌كه‌كه دبێژه مه دژمن سزاداییه.
ل گۆر ئاگاهیێن ده‌ستێ مه، د 24 ساعه‌تێن رابووری ده، په‌ڤچوونێن په‌كه‌كێ و ده‌وله‌تا ترك ل چه‌ندین جیێن باشوورێ كوردستانێ هه‌بوون، هه‌موه‌خت ئێریشێن هه‌وایی، 6 گه‌ریلا جانێ خوه ژ ده‌ست دا نه.
ل هه‌رێمێن زاپێ، ئاڤاشین و باسیان ئێریشێن هه‌وایی پێكهاتنه و ل حه‌فته‌نینێ هنه‌ك تۆنێلێن په‌كه‌كێ هاتنه ئیمها كرن.
ل گۆر مه‌دیایا تركیێ، ژ ده‌ستپێكا ئێریشا 15ی ڤێ مه‌هێ ڤه، ب ده‌هان گه‌ریلایێن په‌كه‌كێ هاتنه به‌رته‌ره‌ف كرن، لێ به‌لێ چاپه‌مه‌نییا هه‌په‌گێ دبێژه: مه دژمن سزا داییه و تو ئاگاهیێن زه‌لال ل ده‌ربارا زرارێن جانی یێن گه‌ریلایان نابێژه.
ئاژانسا ANF یا په‌كه‌كێ، دیمه‌نێن چالاكیێن گه‌ریلایان یێن سالێن رابووری ب ئاوایه‌كی به‌رفره‌هـ د وه‌شینه و وان وه‌كه چالاكیێن نوو ب ناڤ دكه، لێ یا راست جه‌نگا حه‌فته‌نینێ یا كو ده‌مه‌كه په‌كه‌كه باس لێ دكه د ئه‌ساس ده ئه‌و ناڤچه ل رۆژێن رابووری د ناڤبه‌را چه‌ند ساعه‌تان ده كه‌تییه ده‌ستێ دژمن و په‌كه‌كه شوونده زڤرینه.
