فەرماندارێ گشتی یێ هێزێن سووریایا دەمۆکراتیک هەسەدێ، مازلووم ئەبدی، دیار کر کو ترکیە ھێ ژی پەیمانێن 17ێ جۆتمەھێ و 22ێ جۆتمەھێ بن پێ دکە.
فەرماندارێ گشتی یێ ھێزێن سووریەیا دەمۆکراتیک مەزلووم ئەبدی، ل سەر حه‌سابا خوە یا تویتەرێ ل دەر بارێ ئێریشا ھەوایی یا ترکیەیێ یا ل دژی گوندێ «ھەلنجێ» ئا کۆبانێ دە داخویانیەک دا و وھا گۆت: ترکیە ھین ژی ھقووقا ناڤنەتەوەیی و پەیمانێن 17ێ جۆتمەھێ و 22ێ جۆتمەھێ بن پێ دکە، کو ئەو پەیمان ب پشتگرییا ئالیکارێ سەرۆکێ ئامەریکایێ مایک پێنس و سەرۆکێ رووسیایێ ڤلادیمیر پۆتین ڤە ھاتن ئامادەکرن و شەرتێن ژ بۆ راوەستاندنا ئێرشێن دەولەتا ترک ل سەر ھەرێما مە دەست نیشان دکر.
گەنەرال عەبدی، دەست نیشان کر کو راوەستاندنا پۆلیتیکایێن پاقژییا ئەتنیکی و بن پێ کرنێن ترکیێ، د چارچووڤەیا پەیمانێن جۆتمەھێ و ھقووقا ناڤنەتەوەیی دە وەزیفە و بەرپرسیارییا ئامەریکا و رووسیایە نە و ئەڤ تشت گۆت: بەرییا سالڤەگەرا پێنجان یا کۆمکوژییا سالا 2015ان کو 271 ژن، زارۆک، ئەختیار ھاتن کوشتن، سوویقەستا ل دژی ئاکتیڤیستێن ژن، ئێرشا ل سەر سڤیلێن ل گوندێ «ھەلنجێ» و کۆبانێ دەواما پۆلیتیکاییا کۆمکوژیێن ل دژی کوردانە.
