پشتی کو ب بریارا ئیمرالیی پەکەکە ب ئاوایەک فەرمی و بەرفره‌هـ دەرباسی ناڤا خاکا باشوورێ کوردستانێ بووی و دژاتییا خوە ژ بۆ سازیێن فەرمی یێن حکوومەتا هەرێما کوردستانێ راگهاندی و شەر ب حکوومەتا باشوور ره فرۆشتی، ب سەدان پێشمەرگەیێن کوردستانێ شەهید کری، نها ب ئاوایەک وها تەڤدگەرە کو تو تشتەک روو نەدابە و دخوازە کوڕ، که‌چ و مرۆڤێن وان شەهیدان ب خاپینە و وها ب وان رە نیشان بدە کو پەکەکە خوەدیێ وان ئێ راستەقینە یە و رێیا راست ئەوە یاکو پەکەکە ل سەر دمەشە.
ئا روون و ئەشکەرە یە ژ بەر رەوشا جڤاکی یا کوردستانێ ب ئاوایەک گشتی و کوردستانا باشوور ب ئاوایەک تایبەتی، گەل ل سەر چەندین عەشیران پارڤە بوویە، ئەڤ یەک ژی بوویە سەدەم کو کەسانێن سەر ب عەشیرێن جودا د ناڤا هەموو سازیێن حزبی و حکوومی دە جی بگرن و خەباتێ بکن.
یەک ژ سازیێن فەرمی یێن حکوومەتا بشوورێ کوردستانێ کو ب درێژاهییا دیرۆکا سەد سالێن رابووری دە کار ژ بۆ ئازادییا گەلێ کورد ل هەر چار په‌رچه‌یێن کوردستانێ بێ جوداهی کرییە، پێشمەرگەیێن کوردستانێ نە، پێشمەرگەیان ب خوینا خوە دارا ئازادیێ ل باشوورێ کوردستانێ ئاڤ دایە و باشوور گهاندیە سه‌ربه‌ستیێ و ستاتۆیەک فەرمی ژ بۆ کوردان ئاڤ کرییە، لێ بەلێ هن جاران ناڤێ پێشمەرگەیان ژ بال هنەک پارتیێن کوردی ڤە تێکلی کارێ حزبی تێ کرن، ژ بۆ وێ یەکێ کو ناڤێ پیرۆزێ وان و خەباتا وان یا پاک نەشرین بکن.
یەک ژ وان پارتییان، پارتییا کارکەرێن کوردستانێ «پەکەکە» یە کو دخوازە پێشمەرگەیێن کوردستانێ ل بەر چاڤێن گەل بشکێنە و بازارەک سیاسی ل سەر خوینا کوڕ و که‌چێن وان پێشمەرگەیان و ناڤێ وان یێ پیرۆز بکە. پەکەکە ئەڤ چەندین سالن ب ئاوایەک سیستەماتیک کار دکە کو ناڤێ پێشمەرگە نەشرین بکە، دخوازە کارەک وها بکە کو تو کەس رێزێ ل وان نەگرە و ب چاڤەک پیرۆز ل وان نەنێرە، داکو بکارن پیلانێن خوە یێن دوور ژ کورداتیێ ل سەر گەلێ باشوور بجی بکن.
وەکە پێشێ نها مە باس کری، پەکەکە، پێش کو هەر کارەکی ئەنجام بدە زەمینەیەکێ ژ بۆ وی کاری ئەنجام ددە داکو بکارە پیلانێن خوە بجی بکە، پەکەکێ ئەڤ دەما چەندین سالانه کار دکە کو زەمینەیەک باش ژ بۆ لێدانا پێشمەرگەیان ئاڤا بکە، پەکەکە جاران پێشمەرگە ب میلیشیا، جاران ب کرێ گرتی، جاران ب پارە پەرێس و بێ پەروەردە و جاران ژی ب کۆلەیێن پارتێن سیاسی یێن باشوور وێنه دکه، ئەڤ چەندین سالن کو پەکەکە ل سەر ڤی کارێ خوە بەردەوامن و هەموو مەدیا و چاپەمەنییا خوە د ڤێ یەکێ دە ئاراستە دکە.
د نها دە پەکەکە ب رێیا سۆشیال مەدیایێ ڤێ خەباتا خوە یا قرێژ ددۆمینە و هەیا ئاستەکی ژی کارییە د سەردابرن و خاپاندنا هنەک ژ گەنجێن باشوور دە سەرکەتنێ بینە، ب تایبەتی ئەو گەنجێن کو ژیێ وان د ناڤبەر 16 هەیا 22 سالی ده و تو تشتەکی ژ دیرۆکا پێشمەرگە و پارتیێن باشوور نزانن، پەکەکێ ب رێیا هنەک ستران و کەزیێن کچە گەریلایان باندۆر ل سەر ڤان گەنجان دروست کرییە، پەکەکێ وها کرییە کو پڕانییا ڤان گەنجان کورداتی و نەتەوەپارێزی یێ د کەزیێن کەچان ره و سترانێن وان دە مێزە بکە.
ئەم ژ بۆ کو گەنجێن باشوورێ ولات ژ راستییا پەکەکێ و پیلانێن وان هایدار بکن، د خەباتەک بەردەوام ده نە و ل ڤڕ دخوازین هەموو گەنجێن باشوور ب تایبەتی گەنجێن ب رومەت یێن باژارۆکێ شێلادزێ ل سەر کارێن پەکەکێ و شەهیدکرنا هنەک ژ پێشمەرگەیێن ڤی باژارۆکی ل سەر دەستێ پەکەکێ هۆشیار بکن و روویێ وان یێ راست ئەشکەرە بکن.
ل خوارێ ئەمێ ناڤێ بەشەکێ کێم ژ وان پێشمەرگەیان بنڤیسینین کو ب دەستێ پەکەکێ هاتنە شەهید کرن، ئەڤ پێشمەرگە نیشتەجیێن باژارۆکێ شێلادزێ بوون، ئەو شێلادزێ یا کو نها دخوازە گەنجێن وێ بکە سۆتەمەنییا جه‌نگا خوە، شێلادزێ یا کو هەرتم بوویە قوربانییا سەرەکه یا د ناڤبەرا ترکیێ و پەکەکێ دە.
ئەڤێن ل خوارێ دیار ناڤێن 56 ژ پێشمەرگەیێن عەشیرەتا رێکانن کو پرانییا وان نیشتەجیێن شێلادزێ ژ ڤێ عەشیرێ نە، ئەڤ شەهیدێن پێشمەرگە ب تەنێ بەشەکن ژ وان سەدان پێشمەرگەیێن دن کو ژ خەلکێ ڤی باژارۆکی بوونە کو ل ساڵا 1994 هه‌یا 2000ان ب دەستێ پەکەکێ شەهید کەتنە:
ئێحسان بیزەلی/رێکانی.
زاھر سیتەیی/رێکانی
زەکی سیتەی/رێکانی
زکری سیتەیی/رێکانی
حجی زه‌ینه‌ل بێدەیی/رێکانی
حه‌سه‌ن بێزەلی/رێکانی
حه‌سه‌ن ھۆرەیی/رێکانی
حسێن بەنستانی/رێکانی
حسێن ھۆرەی/رێکانی
تاھا بەنستانی/رێکانی
که‌ریم شاجی/رێکانی
محه‌مد زاھر کۆکەری/رێکانی
محه‌مه‌د ئه‌مین مێزی/رێکانی
محه‌مه‌د شه‌ریف مێزی/رێکانی
محه‌مه‌د سالح ھنێشی/رێکانی
محسن چەمجانی/رێکانی
مستەفا مڕوانسی/رێکانی
سه‌عید مازی/رێکانی
ئیسماعیل سیتەیی/رێکانی
نووری پێپەرخی/رێکانی
سه‌میر چەمجانی/رێکانی
سه‌میر ھۆرەی/رێکانی
جه‌لال شاجی/رێکانی
سه‌لیم ئیسماعیل بێدەیی/رێکانی
عه‌بدوللا کوکەری/رێکانی
عه‌بدوللا ھۆرەیی/رێکانی
عه‌بدوللا کاڤلکی/رێکانی
عه‌بدولستار پێپەرخی/رێکانی
عه‌بدولقادر ئارتشی/رێکانی
عوبدولکه‌ریم ھۆرەیی/رێکانی
عه‌دنان ئارتشی/رێکانی
بەھجت ھۆرەی/رێکانی
عەزیز کریادێری/رێکانی
عەزیز بێدەیی/رێکانی
فه‌ھمی رێنجبراخەیی/رێکانی
فه‌ھمی شامکی/رێکانی
فارس ھۆرەی/رێکانی
سدقی مروانسی/رێکانی
سبحی ئارتشی/رێکانی
رەمەزان سیتەیی/رێکانی
دیار دیۆکی/رێکانی
شەریف ئارتشی/رێکانی
شه‌ریف بێدەیی/رێکانی
شەفیق مووسا/رێکانی
تەمەر کۆکەری/رێکانی
تەتەر مروانسی/رێکانی
سوبحی ھۆرەیی/رێکانی
خانەمیر بیاری/رێکانی
وەلید بێزەلی/رێکانی
مەسعوود بێزەلی/رێکانی
حه‌جی بێسەپی/رێکانی
فەرەج تاھا/رێکانی
شوکری سەیفۆ/رێکانی
محه‌مه‌د حسێن ئەرتشی/رێکانی
عه‌لی تەلعەت بنستانی/رێکانی
حسێن سالح بنستانی/رێکانی
