د بەرەڤپێش چوونەکە نوو دە کاروانەکە سەربازی ئێ هێزێن لەشکری یێن ئامەریکایێ رۆژا چارشەمی 1/7/2020ان ب ئالاڤێن لۆجیستیکی و ئاموورێن لەشکەری ڤە ژ هەرێما باشوورێ کوردستانێ دەرباسی رۆژئاڤایێ کوردستانێ بوون و پاشان بەر ب باژارێ شەدادیێ ل سینۆرێ باژارێ حەسەکێ چوون، پاشان ل ور بەر ب بنگەها لەشکری ئا قەسرک چوون.
ل گۆر نەرینگەها مافێن مرۆڤان ئا سووری کاروانێ هێزێن ئامەریکایی ژ 19 وەسائیتێن سەربازی ژ وان 13 قامیۆنێن ئالاڤێن لۆجیستی و لەشکری هەر وەها 5 وەسائیتێن زرخی ژ بۆ پارێزڤانیا کاروانی پێک دهێت.
هەڤپەیمانیا ناڤ دەولەتی مەها رابووری کاروانەکە لەشکری ژ هەرێما باشوورێ کوردستانێ شاندبوو رۆژئاڤا کوردستانێ کو ئەو کاروانێ لەشکری ژ 50 قامیۆنێن ئالاڤێن لۆجستیک و لەشکری بوو، ئەڤ کاروان بەر ب بنگەهێ لەشکری یێ هێزێن هەڤپەیمانیا ناڤدەولەتی ل سینۆرێ باژارێ حەسەکێ چوون.
ژ ئالیەک دن 50 قامیۆنێن لەشکری ئێن سەر ب هێزێن ئامەریکایێ پشتی کو بارێن خوە ل پێگەهەکە لەشکری ل رۆژئاڤا کوردستانێ دانی جارەکە دن بەر ب هەرێما باشوورێ کوردستانێ ڤە زڤرین.
