ئێریشێن تركیێ ل سه‌ر باشوورێ كوردستانێ ده‌وام دكن

ئێریشێن تركیێ ل سه‌ر باشوورێ كوردستانێ ده‌وام دكن

 ئێریشێن ده‌وله‌تا تركیێ ل سه‌ر باشوورێ كوردستانێ ده‌وام دكن، ل 12 ساعه‌تێن رابووری هه‌ژماره‌كه‌ ناڤچه‌یێن سینۆری كه‌تنه‌ به‌ر ئێریشان.

چاڤكانیێن پێگه‌ها «داركا مازی» ل باشوورێ كوردستانێ ده‌ست نیشان كرن، ژ شه‌ڤا ده‌رباسبوویی ڤه‌، باله‌فرێن بێ پیلۆت یێن ده‌وله‌تا تركیێ، د ته‌عقیبا حه‌ره‌كه‌تێن په‌كه‌كێ ده‌ بێ ناڤبر هه‌یا ساعه‌ت 4:00 سه‌رێ سبێ یا ئیرۆ 6/7/2020ان، ده‌ردوورا چیایێ خامتیری یێ سینۆرێ زاخۆ هه‌ده‌ف كرنه‌.

هه‌روه‌ها ئه‌شكه‌ره‌ كر، هه‌ر یه‌ك ژ سینۆرێ گوندێن «منینێ، پشتا گوندێ كه‌شانێ و چیایێ شاقۆلێ» هاتنه‌ بۆمبه‌ كرن، زرارێن ئێریشان نه‌هاتنه‌ ده‌ست نیشان كرن.

ئیرۆ 21 رۆژ ل سه‌ر ئێریشا ده‌وله‌تا تركیێ ل سه‌ر باشوورێ كوردستانێ ده‌رباس دبن ئه‌و ئێریشا تركیێ ناڤێ «په‌نجا بازێ» لێ كری، ژ ده‌ستپێكا ئێریشێ ڤه‌، نێزی 50 گوندێن باشوورێ كوردستانێ، ب تایبه‌ت ل ناڤچه‌یێن شێلادزێ و سینۆرێ زاخۆ هاتنه‌ ڤالا كرن.

په‌كه‌كه‌ ژ بۆ كو خوه‌ ژ ئێریشێن باله‌فرێن تركیێ ب پارێزه‌، حه‌ره‌كه‌تا گه‌ریلایێن خوه‌ خستنه‌ ناڤا گوندان، ئامانجا په‌كه‌كێ ڤه‌گوهاستنا شه‌ره‌ ژ ناڤچه‌یێن سینۆری بۆ سینۆرێ باژارۆكان.

پوستێن ھەمان بەش