ھەڤشارەدارا ئێلھێ سۆنگول کۆرکماز، ھەڤسەرۆکێ هەدەپێ یێ ئێلەھێ ئۆمەر کوولپلوو و ٧ ئەندامێن مەجلیسا شارەداریێ یێن کو بەشداریا وان د جڤینا مەجلیسا شارەداریێ دە ھاتی ئاستەنگکرن ھاتن بنچاڤکرن.
جڤینێن مەلجیسا شارەداریا ئێلەھێ کو ژ بەر ڤیرووسا کۆرۆنایێ ھاتبوو پاشخستن ژ نووڤە دەست پێ کر. ھەڤشارەدارا ئێلەھێ سۆنگول کۆرکمازا کو قەیووم ل شوونا وێ ھاتبوو دانان و ئەندامێن مەجلیسا شارەداریێ یێن هەدەپێ خوەستن بچن بەشداری جڤینێ ببن لێ بەلێ پۆلیسان بەشداریا وان ل بەر ئاڤاھیا شارەداریێ ئاستەنگ کر.
ئەندامێن مەجلیسێ خوەستن ژ بۆ ئاستەنگکرنا وان ل جڤینێ فاتورە وەرە گرتن، لێ پۆلیسان داخوازا وان پێک نەئانی. ل گەل ئاستەنگیان ژی ئەندامێن مەجلیسێ خوەستن بکەڤن ئاڤاھیێ، لێ پۆلیسان موداخلە کر و هەدەپەیی بنچاڤ کرن. ھات زانین کو ھەڤشارەدارا ئێلەھێ سۆنگول کۆرکماز، ئەندامێن مەجلیسێ شوکران چەلەبی، گیزەم ئۆگوورلوو، ئیلکای ئالاگۆز، شەھریبان ئایدن، ئایشە ئۆنال، رەجەپ یارگ، شیرین شەن و ھەڤسەرۆکێ رێخستنا هەدەپێ یێ ئێلەھێ ئۆمەر کوولپلوو ھاتنە بنچاڤکرن و ئەو برنە ئەمنیەتێ.
