هه‌سه‌ده‌ گه‌نجێن رۆژئاڤا ده‌سته‌سه‌ر دكه‌

پۆلیسێن سه‌ربازی ل ناڤچه‌یێن ژێر كۆنترۆلا رێڤه‌به‌رییا خوه‌سه‌ر یا باكور و باكورێ رۆژهلاتا سووریێ ده‌ست ئاڤێتنه‌ ده‌سته‌سه‌ر كرنا گه‌نجان و ب زۆر برنا وان ژ بۆی خزمه‌تا سه‌ربازی.

نه‌رینگه‌ها سووری یا مافێن مرۆڤان ئه‌شكه‌ره‌ كر، ژ رۆژا یه‌كێ ڤێ مه‌هێ و هه‌یا ئیرۆ رۆژا چارشه‌می 8/7/2020ان، هێزێن گرێدای هه‌سه‌دێ، نێزی چار هه‌زار گه‌نجان ب زۆر برنه‌ خزمه‌تا سه‌ربازی.

ده‌ست نیشان كر، ئه‌ڤ گه‌نج ژ حه‌سه‌كێ، حه‌له‌بێ، ره‌ققایێ و دێرا زوورێ هاتنه‌ ده‌سته‌سه‌ر كرن، لێ به‌لێ پرانی ژێ یێن حه‌سه‌كێ و ده‌ردوورا وێ نه‌.

هێزێن سووریایا ده‌مۆكراتیك ژ ده‌ستپێكا ڤێ مه‌هی ڤه‌، خزمه‌تا سه‌رباز كرنا ب زۆر ئیلان كربوو، پشتره‌ پۆلیسێن سه‌ربازی ب ده‌سته‌سه‌ر كرنا گه‌نجان ئه‌ركدار كر، ل رۆژێن ده‌ستپێكێ ب سه‌دان گه‌نجێن ده‌رباسیێ، تل ته‌مرێ و هنه‌ك ناڤچه‌یێن دن یێن رۆژهلاتا فراتێ هاتن ده‌سته‌سه‌ر كرن.

رێڤه‌به‌رییا خوه‌سه‌ر ده‌مه‌ك درێژه‌ سیسته‌ما سه‌رباز كرنا ب زۆر جی ب جی دكه‌، لێ به‌لێ ئه‌ڤ بریار ل 3 مه‌هێن رابووری هاتبوو ته‌عتیل كرن.