مه‌زلووم عه‌بدی «سه‌بری ئۆك» ده‌رخست و هستریایێ په‌كه‌كه‌ گرتییه‌

مه‌زلووم عه‌بدی «سه‌بری ئۆك» ده‌رخست و هستێریایێ په‌كه‌كه‌ گرتییه‌

سه‌بری ئۆك به‌رپرسێ ئیستخباراتا په‌كه‌كێ و ئەندامێ کۆنسەیا رێڤەبەر یا کەجەکێ ب فه‌رمانا مه‌زلووم عه‌بدی، ژ رۆژئاڤا ولات تێ ده‌رخستن و په‌كه‌كه‌ كه‌تییه‌ د ره‌وشه‌كه‌ هستریایی ده‌.

پاش لهه‌ڤهاتنا هێزێن رۆژئاڤا كوردستانێ یا ب ناڤێ «لهه‌ڤهاتنا پارتیێن یەکێتییا نشتمانییا کوردی و ئەنجوومەنا نشتمانی یا کوردی ل سووریێ ئەنه‌کسێ»، كو ئه‌ڤ لهه‌ڤهاتن ب چاڤدێرییا ئا‌مه‌ریكایێ و ئالیكاری و پشتگرییا سه‌رۆكاتییا هه‌رێما باشوورێ كوردستانێ هات پێكئانین، هنه‌ك گاڤێن گرینگ ل رۆژئاڤا تێن ئاڤێتن، وه‌كه‌ بێ ته‌ئسیر كرنا په‌كه‌كێ و نه‌هشتنا باندۆرا وێ یه‌ ل سه‌ر وێ په‌رچه‌یا ولات.

ل گۆر هنه‌ك ئاگاهیێن كو ب ده‌ست چاڤكانیێن پێگه‌ها «داركا مازی» ل رۆژئاڤا كوردستانێ كه‌تنه‌، مه‌زلووم عه‌بدی فه‌رماندارێ گشتی یێ هێزێن سووریایا ده‌مۆكراتیك، «سه‌بری ئۆك» به‌رپرسیارێ ئیستخباراتا په‌كه‌كێ و ئەندامێ کۆنسەیا رێڤەبەر یا کەجەکێ ژ رۆژئاڤا ده‌رخستییه‌، ڤێ هه‌نگاڤا عه‌بدی په‌كه‌كه‌ خستییه‌ د ره‌وشا هستریایێ ده‌ و پڕ دلگران بوویه‌.

مه‌زلووم عه‌بدی، سه‌بری ئۆك ل ژێر زه‌ختا ئا‌مه‌ریكایێ ژ رۆژئاڤا ده‌رخستییه‌، وه‌كه‌ یه‌كه‌م هه‌نگاڤ ژ بۆ نه‌هشتنا باندۆرا په‌كه‌كێ ل سه‌ر رۆژئاڤا كوردستانێ و سه‌رخستنا وێ لهه‌ڤهاتنا كو هێژان د رۆژه‌ڤێ ده‌ یه‌.

سه‌بری ئۆك ب زه‌لامێ هه‌ری نێزیک یێ جه‌میل باییك هەڤسەرۆکێ کۆما جڤاکێن کوردستانێ کەجەکێ تێ ناس کرن.

ل گۆر ئاگاهیێن ده‌ستێ مه، په‌كه‌كه‌ و رێڤه‌برییا قه‌ندیلێ پر ژ ڤێ هه‌نگاڤا مه‌زلووم عه‌بدی دلگران بوونه‌ و باندۆرا ده‌رخستنا سه‌بری ل سه‌ر په‌كه‌كێ، وه‌كه‌ یا ده‌رخستنا ئۆجالانه‌ ژ سووریێ.

رایه‌دارێن رۆژئاڤا و كه‌سێن كو پێڤاژۆیا لهه‌ڤهاتنێ د شۆپینن ئاماژه‌ دكن كو رۆژئاڤا د قۆناغه‌كه‌ هه‌ری هه‌ستیار ده‌ ده‌رباس دبه‌، ب ئاوایه‌كی كو رزگاربوون ژ په‌كه‌كێ تێده‌ گرینگییا وێ كێمتر نینه‌ ژ رزگاربوونا ژ هه‌ر په‌رگاله‌كه‌ داگیركه‌‌ر.