پارتیا ئازادیا کوردستانێ (PAK) دەربارێ ٨٣ سالیا شەھیدکرنا رێبەرێ تەڤگەرا کۆچگریێ عەلیشێر بەگ و زەریفە خانم داخویانیەک بەلاڤ کر.
داخویانیا پاکێ وھایە:
ئیرۆ ٨٣یەمین سالڤەگەرا قەتلکرنا سەرۆک و رێبەرێ نەتەوەییێ تەڤگەرا نەتەوەیا کوردا کۆچگیری یێ عەلیشێر بەگ و ھەڤژینا وی زەریفە خانمێ یە.
سەرۆکێ تەڤگەرا نەتەوی یا کوردا کۆچگیری یێ عەلیشێر بەگ و زەریفە خانم ھەڤژینا وی یا تێکۆشێر و کادرۆیەکە رێبەرا تەڤگەرا نەتەوەیی یا کوردا کۆچگیری یێ، پشتی شکەستخوارنا تەڤگەرا کۆچگرییێ، تەسلیمی دەولەتا ترکییەیێ نەبوون، ب سالان ل چییایێن دێرسمێ ژییان.
دەولەتا ترکییەیێ ل دێرسمێ ئامادەکارییا کۆمکوژیەکە بەرفرەھ دکر. و گاڤا ئەول ژی دخوەست عەلیشێر بەگ و زەریفە خانمێ بکوژن.
کەسەکی ب ناڤێ زەینەل کو کریڤێ عەلیشێر بەگ بوو، ھەروەھا سیخور و نۆکەرێ دەولەتا ترکییەیێ بوو، رۆژا ٠٩.٠٧.١٩٣٧ان سەرێ عەلیشێر بەگ و زەریفە خانمێ ژێکرن و بر تەسلیمی دەولەتا ترکییەیێ کر. ھەتا نھا ژی کەس نزانە کا تەرمێن عەلیشێر بەگ و زەریفە خانمێ ل کو دەرێ نە.
ئەم د ٨٣یەمین سالڤەگەرا شەھادەتا وان دە عەلیشێر بەگ و زەریفە خانمێ و ھەموو شەھیدێن کوردستانێ ب گرامی ببیر تینن.
