ئێریشا دهولهتا تركیێ ل سهر باشوورێ كوردستانێ ئا ب سهدهما پهكهكێ دهوام دكه، د 48 ساعهتێن رابووری ده، 10 گهریلا و 9 سهرباز هاتنه كوشتن.
ل گۆر مهدیایا پهكهكێ و دهولهتا تركیێ، ل دو رۆژێن رابووری، پهكهكێ 10 گهریلایێن خوه ل ناڤچهیا حهفتهنینێ د ئێریشێن ههوایی و بۆردۆمانان ده، ژ دهست دایینه، ههموهخت 9 عهسكهرێن تركان هاتنه كوشتن.
وهزارهتا پاراستنا نهتهوهیی یا تركیێ دبێژه: «رۆژا ئینی 10/7/2020ان، 8 گهریلایێن پهكهكێ د ئێریشێن ههوایی ده ل حهفتهنینێ هاتنه ههدهف كرن، دوهـ رۆژا شهمی ژی 2 گهریلا ل ههمان ناڤچهیێ كهتنه بهر ئێریشان».
مهدیایا ههپهگێ بالێ لهشكری یێ پهكهكێ ژی دبێژه كو وان 9 ئهسكهرێن تركان ل حهفتهنینێ كوشتنه، ههر چهند كو تو ئالییهكێ دن ئهڤ ئاگاهی سهر راست نهكرنه، ههپهگێ تو ئاماژه ب جان ژ دهست دایینا گهریلایێن خوه نهكر.
ژ دهستپێكا ئێریشا 15 مهها رابووری یا تركیێ ل سهر باشوورێ كوردستانێ، ههیا نها پێتری 50 گوندێن باشوورێ ولات هاتنه ڤالا كرن، پهكهكێ مهیدانا جهنگا خوه نێزی گوند و باژارۆكان دكه و ئهڤ یهك بوویه سهدهما زرارێن مهزن ژ بۆی شێنییان.