باله‌فرێن جه‌نگ یێن ده‌وله‌تا تركیێ، ئیرۆ حه‌ره‌كه‌تا گه‌ریلایێن په‌كه‌كێ ل باشوورێ كوردستانێ هده‌ف كرن و زرارێن جانی پێره‌ خستن.

ئێریشا تركیێ ل سه‌ر باشوورێ كوردستانێ ب سه‌ده‌ما په‌كه‌كێ د دۆمه‌، ئیرۆ رۆژا چارشه‌می 15/7/2020ان، باله‌فرێن جه‌نگ یێن تركیێ، حه‌ره‌كه‌تێن په‌كه‌كێ ل هه‌رێما حه‌فته‌نینێ هه‌ده‌ف كرن و د ئه‌نجامێ ده‌ 3 گه‌ریلایان جانێ خوه‌ ژ ده‌ست دا.

ئارته‌شا تركیێ دیمه‌نێن ڤێ ئێریشا هه‌وایی ل سه‌ر پێگه‌ها وه‌زاره‌تا پاراستنا نه‌ته‌وه‌یی پارڤه‌ كرنه‌ و ل گۆر وان دیمه‌نان جیێن كو كه‌تنه‌ به‌ر ئێریشان چیایی نه‌ و دۆمانه‌كه‌ پر ژێ به‌رز بوویه‌.

تركیێ ل 15 مه‌ها رابووری ئێریشا سه‌ر باشوورێ كوردستانێ ب ناڤێ په‌نجا بازێ و په‌نجا پلنگێ ده‌ست پێ كر، ئیرۆ 30 رۆژ ل سه‌ر وێ ئێریشێ ده‌رباس دبن و رۆژانه‌ مه‌دیا په‌كه‌كێ و مه‌دیایا تركیێ نووچه‌یێن زرارێن جانی یێن هه‌ڤ پارڤه‌ دكن.