باله‌فرێن جه‌نگ ئێن تركیێ ئیرۆ ئێریشی هه‌رێما حه‌فته‌نینێ ئا ل باشوورێ كوردستانێ كر، 3 گه‌ریلایێن په‌كه‌كێ جانێ خوه ژ ده‌ست دان.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كر، ئیرۆ رۆژا پێنجشه‌می 16/7/2020ان، باله‌فرێن جه‌نگ ئێن ده‌وله‌تا تركیێ، د ته‌عقیبا حه‌ره‌كه‌تێن په‌كه‌كێ ده، هنه‌ك ناڤچه‌یێن هه‌رێما حه‌فته‌نینێ بۆردۆمان كرن.
د ئه‌نجاما ئێریشا هه‌وایی ده، 3 گه‌ریلایێن په‌كه‌كێ جانێ خوه ووندا كر، جیێن گه‌ریلان هاتن ئیمها كرن.
ل گۆر ئاگاهیێن ده‌ستێ مه، ل باكورێ كوردستانێ ژی، ب ته‌یبه‌ت ل سینۆرێ پارێزگه‌هییا مێردینێ، ئه‌ندامه‌كێ په‌كه‌كێ خوه ته‌سلیمی هێزێن ئه‌وله‌هیێ كر.
ده‌وله‌تا تركیێ ل 15 مه‌ها رابووری ئێریشا سه‌ر په‌كه‌كێ ئا ب ناڤێ په‌نجا پلنگ ل باشوورێ ولات ده‌ست پێ كر، ئیرۆ 31 رۆژ ل سه‌ر ڤێ ئێریشێ ده‌رباس دبن، زرارا هه‌ری مه‌زن ب گه‌لێ باشوور كه‌تییه ژ به‌ر كو هه‌یا نها پێتر ژ 50 گوندان بوونه ناڤچه‌یێن شه‌ر و هاتنه ڤالا كرن.
