ل عه‌فرینێ فه‌رماندارێ «فه‌یله‌ق شام» تێ هه‌ده‌ف كرن

ل عه‌فرینێ فه‌رماندارێ «فه‌یله‌ق شام» تێ هه‌ده‌ف كرن

ته‌قینه‌ك ئیرۆ ل سه‌ر رێیا جندرێسێ ئا ناڤچه‌یا هه‌رێما عه‌فرینێ چێبوو، 10 كه‌س هه‌ده‌ف كرن، 3 ژێ یێن میلیشیا «فه‌یله‌ق شام» ئا گرێدایێ تركیێ نه‌.

نه‌رینگه‌ها سووریایا مافێن مرۆڤان ئه‌شكه‌ره‌ كر، ئیرۆ رۆژا یه‌كشه‌می 19/7/2020ان، ته‌قینه‌كه‌ ب هێز ل سه‌ر رێیا ناڤچه‌یا جندرێسێ ئا هه‌رێما عه‌فرینێ چێبوو، 10 كه‌س تێده‌ بریندار كه‌تنه‌، 3 ژێ چه‌كدارێن میلیشیا ب ناڤێ «فه‌یله‌ق شام» ئا گرێدای تركیێ نه‌.

هه‌روه‌ها ده‌ست نیشان كر، ته‌قین ل ژێر ئه‌ره‌به‌یا وان چه‌كدارن هات ته‌قاندن، یه‌ك ژ برینداران فه‌رماندارێ میلیشیا «فه‌یله‌ق شامێ» یه‌.

تێ زانین ل 14 ڤێ مه‌هێ، ته‌قینه‌كه‌ دن ل ناڤچه‌یا شه‌رایێ چێببوو و تێده‌ 3 چه‌كدارێن كۆما ب ناڤێ «ئه‌لهۆیێن باكور» ئا گرێدایی تركیێ هاتبوو كوشتن.