پاک: ئەم وەلاتپەروەرێ کورد سمکۆیێ شکاک ببیر تینن

پاک: ئەم وەلاتپەروەرێ کورد سمکۆیێ شکاک ببیر تینن

پارتیا ئازادییا کوردستانێ د سالڤەگەرا شەھیدکرنا رێبەرێ کوردێ ل رۆژھلاتێ کوردستانێ، سمکۆیێ شکاک دە راگھاند، “ئەم د ٩٠ەمین سالڤەگەرا شەھیدکرنا وی دە، سەرۆکێ یەک ژ سەرھلدانێن ھەری مەزنێن  رۆژھلاتێ کوردستانێ، وەلاتپەروەرێ کورد سمکۆ ئاخایێ شکاک و ھەموو شەھیدێن کوردستانێ ب گرامی ببیر تینن.”

دەستەیا چاپەمەنی و راگەھاندنێ یا پاکێ ب بۆنەیا ٩٠مین سالڤەگەرا شەھیدکرنا رێبەر و سەرکردەیێ کوردێ ل رۆژھلاتێ کوردستانێ ژ ئالیێ حکوومەتا وێ دەمێ یا ئیرانێ ڤە داخویانیەک وەشاند.

پاک دبێژە، “سمکۆیێ شکاک سەرۆکێ یەک ژ سەرھلدنێن ملەتێ کورد ل رۆژھلاتێ کوردستانێ بوو” و تەکەز دکە، سمکۆ ئاخایێ شکاک، “ژ بۆ بدەستخستنا مافێن نەتەوەیییێن مڵەتێ کورد د سالا ١٩٠٥ان ل ھمبەری دەولەتا ئیرانێ شەرەکی نەتەوی دەستپێ کر.”

د بەشەکە دنا داخویانیا خوە دە، پاک دیار دکە، کو سمکۆ کو ل سەر داخوازا ئیرانێ بۆ دانووستاندنان چووبوو باژارێ شنۆیێ، لێ بەلێ ل وێ دەرێ “ب پلانا شاھێ وێ دەمێ یێ ئیرانێ، رزا شاھ ژ ئالیێ ھێزێن دەولەتا ئیرانێ ڤە ھات شەھیدکرن.”

داخویانیا پاکێ وھایە:

ئەم وەلاتپەروەرێ کورد سمکۆیێ شکاک (سماییل ئاغایێ شکاک) ب گرامی ببیر تینن

سمکۆیێ شکاک  (سماییل ئاغایێ شکاک) سەرۆکێ یەک ژ سەرھلدانێن  ملەتێ کورد  ل رۆژھلاتێ کوردستانێ بوو.

سماییل ئاغایێ شکاک کو وەکە سمکۆیێ شکاک ئان ژی سمکۆ ئاغا تێ ناسین، ٩٠ سال بەرێ ل باژارێ شنۆ یێ رۆژھلاتێ کوردستانێ ب بریارا شاھێ وێ دەمێ یێ ئیرانێ، رزا شاھ ژ ئالیێ ھێزێن دەولەتا ئیرانێ ڤە ھات شەھیدکرن.

سماییل ئاغایێ شکاکی د سالا ١٨٨٧ێ ل ئورمییە یا رۆژھلاتێ کوردستانێ ژ دایک بوویە. کورێ محەمەد ئاغایێ سەرۆکێ ھۆزا شکاکە.

سمکۆ ئاغایێ شکاک، ژ بۆ بدەستخستنا مافێن نەتەوەیی یێن مڵەتێ کورد د سالا ١٩٠٥ان ل ھمبەری دەولەتا ئیرانێ شەرەکی نەتەوی دەستپێ کر. سەرھلدانا سمکۆ ئاغا نێزی ٢٥ سالان دۆم کر و  نێزی %٥٠ ژ ئاخا رۆژھلاتێ کوردستانێ ژ دەستێ دەستھلاتدارییا دەولەتا ئیرانێ دەرخست و خستە بن کۆنترۆلا خوە و رێڤەبەرییەک تایبەت ئاڤا کر.

سمکۆیێ شکاک د ٢٥ سالێن سەرھلدانا خوە دە، راستی گەلەک سەرکەفتن و شکەستنان ھات. ھەری داوی پشتی کو حکوومەتا ئیرانێ کاریبوو سەریھلدانا وی بشکینە، سمکۆ ئاغا دەرباسی ئالییێ باشوورێ کوردستانێ بوو. پشتی دەمەکێ ل سەر بانگا دەولەتا ئیرانێ یا ژ بۆ موزاکەرە و دانووستاندنان، د ٢١ێ تیرمەھا ١٩٣٠ان دە سمکۆ ئاغا چوو باژارێ شنۆیێ و ل وێ دەرێ  ب پلانا رزا شاھ ژ ئالییێ ھێزێن دەولەتا ئیرانێ ڤە ھات شەھیدکرن.

ئەم د ٩٠ەمین سالڤەگەرا شەھید کرنا وی دە، سەرۆکێ یەک ژ سەرھلدانێن ھەری مەزنێن  رۆژھلاتێ کوردستانێ، وەلاتپەروەرێ کورد سمکۆ ئاغایێ شکاک و ھەموو شەھیدێن کوردستانێ ب گرامی ببیر تینن.