ل حه‌فته‌نینێ جه‌بلخانه‌یه‌كه‌ په‌كه‌كێ هات گرتن

ل حه‌فته‌نینێ جه‌بلخانه‌یه‌كه‌ په‌كه‌كێ هات گرتن

ئێریشا ده‌وله‌تا ترك ئا ل دژی په‌كه‌كێ ل باشوورێ كوردستانێ ده‌وام دكه‌، پاش ئێریشێن شه‌ڤا ده‌رباسبوویی ژی، ئیرۆ جه‌بلخانه‌یه‌كه‌ په‌كه‌كێ ل هه‌رێما حه‌فته‌نینێ هات گرتن.

ل گۆر ئاگاهیێن ده‌ستێ مه‌، ژ شه‌ڤا ده‌رباسبوویی ڤه‌، باله‌فرێن تركیێ د ته‌عقیبا حه‌ره‌كه‌تێن په‌كه‌كێ ده‌، هه‌رێما حه‌فته‌نینێ هه‌ده‌ف كر، ئاگاهی ل ده‌ربارا زرارێن جانی تونه‌نه‌، لێ به‌لێ ب سه‌ده‌ما ئێریشێ شه‌وات ب ئاقارێ گوندێ «بنکێ» كه‌تییه‌.

هه‌ر وها ئیرۆ رۆژا شه‌می 25/7/2020ان، د ئێریشه‌كه‌ به‌ژاهیێ ده‌، له‌شكرێن ترك ده‌ست ب سه‌ر جه‌بلخانه‌یه‌كه‌ په‌كه‌كێ ده‌ ل حه‌فته‌نینێ گرتن، هه‌ژماره‌كه‌ هه‌ری زۆر ئا چه‌كان تێده‌ بوون.

جه‌بلخانه‌یا په‌كه‌كێ ئه‌ڤ چه‌ك تێده‌ بوون، 63 کەلەشینکۆف، نیشانگر و تڤنگێن نێچیرێ، 50 مھماتێن رۆکەت ئاڤێژان، 1000 فیشەكێن دۆشکێ ئێن باله‌فر شکێن، 300 ساجۆرێن کەلەشینکۆفان، 50 بۆمبەیێن دەستان و25 کیلۆ دینامێت.