ل گونده‌وارێ هه‌كاریێ شه‌ر قه‌ومی

ل گونده‌وارێ هه‌كاریێ شه‌ر قه‌ومی

ئێریشا ده‌وله‌تا ترك ل سه‌ر پارتییا كاركه‌رێن كوردستانێ ل باشوور و باكورێ ولات ده‌وام دكه‌، ئیرۆ ل ده‌ڤه‌را هه‌كاریێ په‌كه‌كێ زرار دانه‌.

ل گۆر ئاگاهیێن ده‌ستێ مه‌، ئیرۆ رۆژا یه‌كشه‌می 26/7/2020ان، ئارته‌شا تركیێ ئێریشه‌كه‌ به‌ژاهی و ئاسیمانی ل ده‌ڤه‌را هه‌كاریێ ل دژی په‌كه‌كێ ئه‌نجام داییه‌، گه‌ریلایه‌كێ په‌كه‌كێ جانێ خوه‌ ژ ده‌ست دا.

ئێریشا ئیرۆ دبه‌ به‌رده‌وامییا وێ ئێریشا ده‌وله‌تا ترك ل 20 ڤێ مه‌هێ ل ده‌ڤه‌را هه‌كاریێ ده‌ست پێ كری كو هه‌یا نها 4 ئه‌ندامێن په‌كه‌كێ تێدا جانێ خوه‌ ژ ده‌ست دانه‌، هه‌موه‌خت 2 ئه‌سكه‌رێن ترك هاتنه‌ كوشتن.

تێ زانین هه‌ژمارا 1106 جه‌ندرمه‌، كۆماندۆ، پۆلیس و گۆند پارێز د ئێریشا سه‌ر هه‌كاریێ ده‌ به‌شدارن.

چالاكیێن پارتییا كاركه‌رێن كوردستانێ نها پێتر ل باشوورێ كوردستانێ نه‌، ب ئاوایه‌كی ژ 77% ئا چالاكیێن وێ ل باشوورێ و ژ 23% ل باكور هه‌نه‌، ئه‌ڤ یه‌ك د راپۆرا ئیسال ئا سازییا ACLED ئا ئامه‌ریكی ده‌ هاتییه‌ ته‌سبیت كرن.

ل گۆر راپۆرا ACLED ێ ژی دیار دبە کو پەکەکێ شەر دەرباسی باشوورێ کوردستانێ کرییە، شەری زرارەک پر مەزن گھاندییە ئابۆرییا ھەرێمێ و گەلەک گوند و زه‌ڤیێن چاندنیێ ھاتنە ڤالاکرن.