نڤیسكار: بووبێ ئه‌سه‌ر
ھەگەر مرۆڤ ل پێڤەژۆیا پەکەکێ یا ژ رۆژا وێ یا ئەول و ھەتا نھا بنێرە، مرۆڤ دکارە بێژە؛ گەلۆ ژ بۆنا کوردان چ ئانییە؟ کودەر ئازاد کرییە؟ جھ و وارێ کو ئەو دێ لێ شەر بکە کو دەرە و ور نھا د چ رەوشێ دەیە؟
پەکەکە ل گۆر بیر و رایا خوە، ل گۆر بەرژەوەندیا داگرکەرێن کوردان و ل گۆر ئیدەۆلۆژیا خوە راست دکە. راست دکە ژ بەر کو پەکەکە نە ژ بۆنا ئازادیا کوردستانێ ئان ژی رزگارکرنا کوردان ھاتیە دامەزراندن. من و گەلەک جانک و جامێران مە ل سەر پەکەکێ گەلەکی نڤیسیە. مە چ نڤیسیە؟
ئەزێ ھەول بدم دیسا بنڤیسینم. من بریار دا بوو کو ئێدی ل سەر پەکەکێ نەنڤیسینم. لێ جارنا مرۆڤ مەجبوور دبە کو سۆزێن خوە پێک ناینە. من چما خوە مەجبوور دیت کو دیسا بنڤیسینم؟ ژ بەر کو کورد زوو تشتان ژ بیر دکن. ھەتا وەھا ژ بیر دکن کو جارنا دۆ ژی نایێ بیرا وان. ھا مە چ نڤیسی بوو؟
مە گەلەک جاران نڤیسیبوون کو پەکەکە ب دەستێ داگرکەران ھاتیە دامەزراندن دا کو پێشی ل ئازادیا ھەر چار پەرچێ کوردستانێ بگرە و نەھێلە کورد ئازاد ببن، ئارامی و خوەشیێ ببینن.
ھەگەر مرۆڤ ل پێڤاژۆیا پەکەکێ یا ژ رۆژا وێ یا ئەول و ھەتا نھا بنێرە، مرۆڤ دکارە بێژە؛ گەلۆ ژ بۆنا کوردان چ ئانییە؟ کودەر ئازاد کرییە؟ جھ و وارێ کو ئەو دێ لێ شەر بکە کو دەرە و ور نھا د چ رەوشێ دەیە؟
پلان و پرۆژەیا داگرکەران ئەو بوو کو ل کیژان پەرچێ کوردستانێ ئارامی و رەحەتی ھەبە، کو دەر بەرب ئازادی و سەرخوەبوونێ ڤە ھەرە، دڤێ ئەو دەر ب دەستێ پەکەکێ تێک ھەرە. ھەگەر نکاربە تێک ژی ببە، دڤێ نەھێلە کو ل ور ئارامی پەیدە ببە.
دەما ھەلوەستا پەکەکێ ئەڤ بە، ئێدی پێویستی ناکە کو مرۆڤ ھەر تم بێژێ و ببلینە. ژ خوە، ژ کارێ وێ ژی تێ دیتن کو ھەتا ژ دەستێ وێ بێ دێ نەھێلە کوردستان ئازاد ببە و کورد رەحەتی و ئارامیێ ببینن.
بالا خوە بدنێ و ب بیر بینن دا کو ئەم بزانبن، دەما باشوورێ کوردستانێ ئازاد بوو، (١٩٩١) پەکەکێ ئەو ئازادی وەکە کەلەمەکی د پشتا ئەرەب، ترک و فارسان دە دیت لۆما ژی ل ھەمبەری باشوورێ کوردستانێ شەرەکی باش کرن. لێ ب سەر نەکەتن و فێم کرن کو ئەوێن ب شەر ب سەر نەکەڤن.
لۆما ژ وێ رۆژێ دە دەست ئاڤێتن کارێ خەراب، فەسادی، گەلاژی، فەن و فتنە بوو کارێ وان یێ سەرەکە دا کو نەھێلن باشوورێ کوردستانێ ببە سەربخوە و دەولەتا کورد بێ راگھاندن.
چ کرن، نەکرن، ل باشوورێ کوردستانێ ب سەر نەکەتن. لۆما ژی رۆلا خوەیا تالی ل سەر سەرێ شەنگالێ دانە لیستن. داعش خستن ور، یا ژی ژ قان رە بوونە ئالیکار دا بکەڤن ور. ور ب دەستێ داعشێ پەریشان کر و ھەما مەدیا پەکەکێ رۆژا ئەول ھازر بوون کو پرۆپاگاندەیێن خەراب ل ھەمبەری ھەرێما کوردستانێ و پێشمێرگەیێن قەھرامان کرن.
ھەر ئەو ژی کرن، لێ ب سەر نەکەتن. گەلەک جھ و وار داعشێ ژ وان رە ھشتن و چوون. وان ژی گۆت مە ڤر ئازاد کرییە لۆما ئەمێ ئێدی ژ ڤر دەرنەکەڤن.
دەرناکەڤن و سەرێشیان دکن. چما؟ ژ بۆنا باشوورێ کوردستانێ سەرخوەبوونا خوە رانەگھینە چ ژ وان بێ دێ تەخسیر نەکن و ناکن ژی.
نھا پرۆبلەم و سەرێشیا ھەری مەزن ل شەنگالێ یە. ل ور پەکەکێ رۆل و ئەرکێن خوەیێن تالی دلیزە. ل گۆر تالیماتێن داگرکەران ل ور تەڤدگەرن و ژ داگرکەران ژی ئالیکاری و چەکانا دگرن.
د دەستێ پەکەکێ ب ھەزاران کورد ھاتنە کوشتن. ب ھەزاران گوند ھاتن خەرابکرن. باژار و باژارۆک وێران کرن. ب ملیۆنان کوردان جھ و وارێ خوە ھشتن رەڤیان مەترۆپۆلێن “باژارێن مەزن” ترکان.
ئەز ھەموو تشتی ل ئالیەکی داتینم و دبێژم؛ گەلۆ چما پەکەکە ناخوازە ژ شەنگالێ دەرکەڤە؟ بەرسیڤ دیارە. ژ بەر کو داگرکەر ناخوازن لۆما.
پەکەکە ئەوقاسی خەرابی، مالوێرانی، کوشتن کر، لێ گەلۆ پارتی و رێخستنێن مەیێن کو ڤان تشتێن پەکەکێ راست نابینن چما نابێژن پەکەکێ ئێدی بەسە.
بەسە نە ب گۆتن، خوەپێشاندنان ل دار خن، بەلاڤۆکان بەلاڤ بکن، د مالپەرێن خوە دە ڤێ بنڤیسینن. جڤینێن چاپەمەنی ل سەر ڤان کریارێن پەکەکێ یێن قرێژ بێژن و بنڤیسینن.
ھەتا کو ل ھەر چار پەرچێن کوردستانێ دەنگێ کوردان ب ئاوایەکی بەرز ل ھەمبەر پەکەکێ دەرنەکەڤە ئەوێ ھەر کارێ خوەیێن قرێژ بەردەوام بکن. نھا کەلەما مەزنیا د پشت کوردان دە پەکەکە یە.
ھەرێما کوردستانێ ل گەل پارلەمەنا خوە دڤێ ببن خوەدی ھەلوەستەکێ ل سەر پەکەکێ. ل پەرچێن دن و ل ئەورۆپا ژی دڤێ ئێدی کورد ل ھەمبەر پەکەکێ خوەپێشاندانان ل دار بخن. مەدیایێن خوە ژ بۆنا کریارێن قرێژێن پەکەکێ ب کار بینن.
دڤێ کورد ب چالاکیێن دەمۆکراتک ژ ئەورۆپا و دۆستێن خوە رە بدن دیار کرن کو پەکەکە نە رێخستنا کوردانە و ژ بۆنا ئازادیا کوردان تێک ببە کار دکە.
ئێدی د ھەر واری دە دیار و ئەشکەرە بوویە کو پەکەکە رێخستنا داگرکەرانە. لۆما ژی کار و ئەرکێ وێ یێن ژ بۆنا کوردان ئەوە کو کوردان تونە بکە و نەھێلە کوردستانا سەربخوە بێ راگھاندن…
