ره‌وش ل باشوورێ ولات كه‌تییه‌ د خه‌ته‌رێ ده‌

ره‌وش ل باشوورێ ولات كه‌تییه‌ د خه‌ته‌رێ ده‌

به‌لاڤبوونا ڤیرۆسا كۆرۆنایێ ل باشوورێ كوردستانێ هنه‌ك دژوار بوویه‌ و وه‌زاره‌تا ته‌ندورستیێ هشداریێ دده‌ كو ره‌وش ژ كۆنترۆلێ ده‌ركه‌ڤه‌.

شه‌وبا كۆرۆنایێ كو دبه‌ نێزی 8 مه‌هان دنیا تێ كه‌تییه‌، ل باشوورێ كوردستانێ هنه‌ك دژوار بوویه‌ و هه‌ژمارا پێكه‌تیێن ڤێ ڤیرۆسێ ب تایبه‌ت ل باژارێ دهۆكێ زێده‌بوونه‌، چاڤكانیێن ته‌ندروستیێ ژی هشداری دانه‌ كو دبه‌ ره‌وش ژ كۆنترۆلێ ده‌ركه‌ڤه‌.

ل گۆر داتایێن وه‌زاره‌تا ته‌ندروستیێ د 24 ساعه‌تێن رابووری ده‌، 404 كه‌س ل باشوورێ كوردستانێ ب كۆڤید-19ێ كه‌تنه‌، 11 كه‌سان جانێ خوه‌ ب وێ سه‌ده‌مێ ژ ده‌ست داییه‌.

هه‌موه‌خت هات ئیلان كرن كو ره‌وشا 80 پێكه‌تیێن ڤیرۆسێ ل هه‌ولێرێ نه‌باشه‌ و نها د خه‌ته‌ریێ ده‌ نه‌ و پێویستییا وان ب ئاموورێن هه‌ناسه‌یا ده‌ستكرد هه‌یه‌.

ل گۆر وه‌زاره‌تا ته‌ندروستیێ یا حكوومه‌تا باشوورێ كوردستانێ، ل سه‌رانسه‌ری باشوور ته‌نێ 200 ئاموورێن هه‌ناسه‌دانێ هه‌نه‌، خه‌ته‌ر ژی د وێ یه‌كێ ده‌یه‌ كو گه‌ر ره‌وش ژ كۆنترۆلێ ده‌ركه‌ڤه‌، وێ كریزه‌كه‌ نه‌خوه‌ستی رووبده‌.

هه‌ر ل ڤێ ده‌ربارێ ده‌، دژوارییا شه‌وبا كۆرۆنایێ ل پارێزگه‌هییا دهۆكێ خه‌ته‌ر كه‌تییه‌، وه‌زاره‌تا ته‌ندروستیێ دبێژه‌ د 3 رۆژێن رابووری ده‌ پێتری 150 كه‌سان پێ كه‌تنه‌ و نها سه‌رجه‌م شێنیێن دهۆكێ وه‌كه‌ به‌رگومانێن ڤێ ڤیرۆسێ تێن مێزه‌ كرن.

پوستێن ھەمان بەش