ل جه‌رابلوسێ ته‌قین چێبوو، كوشتی و بریندار هه‌نه‌

ل جه‌رابلوسێ ته‌قین چێبوو، كوشتی و بریندار هه‌نه‌

ته‌قینه‌كێ ئیرۆ سه‌رێ سبێ ناڤه‌ندا باژارۆكێ جه‌رابلوسێ ئێ رۆژئاڤا كوردستانێ هه‌ژاند، كوشتی و بریندار ل په‌ی ته‌قینێ هاتن.

نه‌رینگه‌ها سووری ئا مافێن مرۆڤان ئه‌شكه‌ره‌ كر، ئیرۆ رۆژا شه‌می 15/8/2020ان، مۆتۆرسكله‌كه‌ مایین كری ل ناڤه‌ندا باژارۆكێ جه‌رابلوسێ ته‌قییا، ب وێ سه‌ده‌مێ كه‌سه‌كه‌ سڤیل جانێ خوه‌  ده‌ست دا و هه‌ژماره‌كه‌ دن بریندار كه‌تن.

ته‌قینا ئیرۆ هه‌موه‌ختا بوویه‌رێن رۆژێن رابووری تێ كو شێنیێن سڤیل ئێن باژارۆكێن رۆژئاڤا كوردستانێ تێده‌ هاتنه‌ هه‌ده‌ف كرن ب ته‌یبه‌ت ل هه‌رێمێ ژێر ده‌ستێ تركیێ، مینا بوویه‌رێن ره‌ڤاندنا شێنییان و ته‌رۆر كرنا ژن و كاله‌مێران.

نه‌رینگه‌ها سووری ده‌ست نیشان كر، ل 12 ڤێ مه‌هێ جه‌سه‌دێ ژنه‌كێ ل سینۆرێ باژارۆكێ بابێ هاتبوو دیتن كو ب ده‌ست چه‌كداران هاتبوو كوشتن و خستبوون ناڤا به‌رمیله‌كێ ده‌.

باژارۆكێ جه‌رابلوسێ كو جییه‌كێ ستراته‌ژیكه‌ و رۆژئاڤا و رۆژهلاتا رۆژئاڤا كوردستانێ پێكڤه‌ گرێدده‌، ل سالا 2016ان كه‌ت ژێر ده‌ستێ تركیێ و ژ وێ ده‌مێ ڤه‌، میلیشیایێن سووری ئێن گرێدای تركیێ تێده‌ جی دگرن.