ژ بەر تەقەیا ھێزێن پاسەوانێن سنۆری یێن ئیرانێ ل ناڤچەیێن سنۆری یێن پیرانشەهر و سەردەشتێ ل پارێزگەھا ئورمیە یا رۆژھەلاتێ کوردستانێ، ٣ کۆلبەرێن کورد ژیانا خوە ژ دەست دان.
رێخستنا هەنگاو ژ بۆ مافێن مرۆڤان راگهاند، ئیرۆ رۆژا چارشەمی دانێ سپێدێ ھێزێن پاسەوانێن سنۆری یێن ئیرانێ ل نێزیک گوندێ قەلەرەشێ تەقە ل کۆمەکا کۆلبەرێن کورد کرن.
ل گۆر زانیاریێن رێخستنا مافێن مرۆڤا کوردستانێ د ئەنجاما وێ ئێرشا ھێزێن ئیرانێ دا کۆلبەرێن ب ناڤێن زانست حەسەن نەژاد یێ تەمەن ٢٥ سالی، زانکۆ ئەحمەدی یێ تەمەن ٢٢ سالی و سرووش ملکاری ھاتن کوشتن.
ل گۆر زانیاریێن رێخستنا مافێن مرۆڤا کوردستانێ، ھێزێن پاسدارێن ئیرانێ ل سینۆرێ زێوە یا پیرانشەهرێ ژی تەقە ل کۆلبەرێن کورد کر.
ھەر ل گۆر زانیاریێن وێ رێخستنێ د ئەنجاما وێ ئێرشێ دا ژی کۆلبەرێ ب ناڤێ جەلال خزری ھات کوشتن و تەرمێ وی ژی هێشتا رادەستی مالباتا وی نەھاتیە کرن.
ل گۆر زانیاریێن رێخستنا مافێن مرۆڤا ھەنگاوی ژی د مەھا تەباخا ئەڤ سالە دا ٣١ کۆلبەر و کاسبکار ھاتنە کوشتن و بریندارکرن.
