نێچیرڤان بارزانی: جڤینا ل گه‌ل ماكرۆن به‌رهه‌مدار بوو

نێچیرڤان بارزانی: جڤینا ل گه‌ل ماكرۆن به‌رهه‌مدار بوو

سه‌رۆكێ هه‌رێما باشوورێ كوردستانێ ئیرۆ ل به‌غدایێ ل گه‌ل سه‌رۆكێ فره‌نسایێ جڤییا و راگهاند، جڤین به‌رهه‌مدار بوو.

نێچیرڤان بارزانی و شاندێ پێره‌، ئێڤارا ئیرۆ رۆژا چارشه‌می 2/9/2020ان، ل به‌غدایێ ل گه‌ل ئه‌مانوێل ماكرۆن سه‌رۆكێ فره‌نسایێ جڤییا، جڤینێ بۆ ده‌ما نیڤ ساعه‌تێ ده‌وام كر و چه‌ندین پرسێن گرێدای تێكلیێن باشوورێ كوردستانێ و فره‌نسایێ هاتن نیقاش كرن.

پاش جڤینێ، سه‌رۆكێ باشوورێ كوردستانێ ل حه‌سابا خوه‌ یا تویته‌رێ نڤیساند كو جڤینا ل گه‌ل ماكرۆن به‌رهه‌مدار بوو.

ده‌ست نیشان كر، ئه‌و سپاسییا پشتگرییا به‌رده‌وام ئا فره‌نسایێ ژ بۆ باشوورێ كوردستانێ دكن و گۆت كو ئه‌و ب هێڤی نه‌ تێكلیێن ل گه‌ل فره‌نسایێ وه‌رن بهێز كرن.

شاندا باشوورێ كوردستانێ ژ نێچیرڤان بارزانی، جێگرێن سه‌رۆكێ هه‌رێما كوردستانێ، هه‌روه‌ها فه‌لاح مسته‌فا شێوه‌رمه‌ند ل سه‌رۆكتییا هه‌رێمێ، شاندێ فره‌نسایێ ژی ژ ئه‌مانوێل ماكرۆن، هه‌روه‌ها هه‌ژماره‌كه‌ وه‌زیر و بالیۆزێ فره‌نسایێ ل به‌غدایێ پێكهاتی بوو.

نێچیرڤان بارزانی ئیرۆ ب سه‌ردانه‌كێ گها بوو به‌غدایێ، ئه‌ڤ سه‌ردان ل سه‌ر داخوازییا ماكرۆن هات ئه‌نجام دایین، نێچیرڤان بارزانی به‌را جڤینا ل گه‌ل ماكرۆن، ل گه‌ل سه‌رۆكتیێن ئیراقێ و هه‌ژماره‌كه‌ رایه‌دارێن وێ جڤیابوو.