یه‌ژا ستارێ 2 عه‌سكه‌ر كوشتن

یه‌ژا ستارێ 2 عه‌سكه‌ر كوشتن

یه‌كینه‌یێن ژنێن ئازاد، یه‌ژاستار یێن گرێدای په‌كه‌كێ ل باكورێ كوردستانێ ل عه‌سكه‌رێن تركان خست، دوو عه‌سكه‌ر كوشتن.

ل گۆر داخویانییه‌كا نڤیسكی یا هه‌په‌گێ، بالێ سه‌ربازی یێ په‌كه‌كێ، یه‌كینه‌یێن یه‌ژا ستارێ ل رۆژا 2/9/2020ان، ل ناڤچه‌یا سومبولێ یا گرێدای جۆله‌مێرگێ، كه‌مین ل به‌ر عه‌سكه‌رێن تركان دانان و لێ خستنه‌.

هه‌موه‌خت ل هه‌مان رۆژێ و ل ناڤچه‌یا عه‌زیزانێ یا گرێدای سێرتێ، یه‌كینه‌یێن یه‌ژا ستارێ ل عه‌سكه‌رێن ترك خست و دوو عه‌سكه‌ر كوشتن و هه‌ژماره‌ك بریندار كه‌تن.

هه‌په‌گێ د داخویانییا خوه‌ ده‌ ئه‌شكه‌ره‌ كر كو ل باشوورێ كوردستانێ ب تایبه‌ت ل ناڤچه‌یا ئاڤا لۆلانێ یا گریدای خواكوركێ، باله‌فرێن تركیێ ناڤچه‌ بۆردۆمان كر، لێ به‌لێ گۆتییه‌ كو تشته‌ك ل گه‌ریلایێن مه‌ نه‌هاتییه‌.

سوپایێ تركیێ و هه‌په‌گه‌ به‌رده‌وام ئامارێن زیانێن جانی یێن هه‌ڤ به‌لاڤ دكه‌ن، لێ به‌لێ تو ئالییه‌كێ دن وان ئاماران پشت راست ناكه‌، له‌وما دبه‌ ئه‌ڤ هه‌ژمار كێمتر یا بێهتر بن.