د دەما 10 رۆژێن رابووری دا ل باشوور و باکورێ کوردستانێ، پەکەکێ 91 گەریلا د ئێریشێن ترکیێ دا ژ دەست دانە، ل همبەر هەژمارەکە عەسکەران هاتنە کوشتن.
ل گۆر داخویانییه‌كا نڤیسكی یا وه‌زاره‌تا پاراستنا نه‌ته‌وه‌ی یا تركیێ كو ئیرۆ رۆژا یه‌كشه‌می 6/9/2020ان به‌لاڤ كرییه، د 24 ساعه‌تێن رابووری دا، 16 گه‌ریلا ل باشوور و باكورێ كوردستانێ هاتنه هه‌ده‌ف كرن، ب ڤێ یه‌كێ هه‌ژمارا گه‌ریلایێن كو كه‌تنه به‌ر ئێریشان د ده‌ما مه‌هه‌كێ دا گه‌هشتن 91 گه‌ریلایان.
ئۆپه‌راسیۆنێن سوپایێ تركیێ كو ل 16 مه‌ها خزیرانێ په‌ژاهی و ئاسیمانی ل دژی په‌كه‌كێ ل باشوورێ كوردستانێ ده‌ست پێ كربوو، ل ده‌ما 10 رۆژێن رابووری ل باكورێ كوردستانێ ژی ئێریشی ل جۆله‌مێرگێ، سێرتێ، ئامه‌دێ و ئاگریێ هاتنه كرن.
د سه‌ر جه‌م ئێریشێن باكور دا هه‌ری كێم 38 گه‌ریلا جانێ خوه ژ ده‌ست دانه، پێتری 50 گه‌ریلا ژی ل باشوور د ده‌ما مه‌ها رابووری دا.
ل ده‌ربارا ڤێ ئامارا تركیێ، هه‌په‌گێ تو ئاگاهی نه‌دانه، لێ به‌لێ د 10 رۆژێن رابووری دا وان د دوو به‌یانێن نڤیسكی دا كوشتنا 11 عه‌سكه‌رێن ترك راگهاندبوو.
هه‌ر ل ناڤبه‌را چه‌ند رۆژه‌كان، ده‌وله‌تا تركیێ و هه‌په‌گه ئامارێن زرارێن جانی یێن هه‌ڤ به‌لاڤ دكه‌ن، لێ به‌لێ ئه‌ڤ ئامار دبیت شه‌رێ راگه‌هاندنێ بیت، ژبه‌ركو ژ چ ئالیێن دی ڤه ناهێن پشت راست كرن.
