پارتیا دەمۆکراتا کوردستانێ – سووریێ (PDK-S) رادگھینیت، رێکەفتنا MSDێ و پارتیا ڤینا گەل د چارچۆڤەیێ ھەولا رووسیا دایە ژ بۆ ڤەگەراندنا ھەموو ھەرێمێن کورد بۆ بن کۆنترۆلا رێژیما سووریێ دا.
پۆلیتبیرۆیا PDK-S راپۆرتا خوە یا سیاسی یا مەھانە بەلاڤ کر و تێدا راگەھاند، رووسیا ھەول ددەت ھەموو ھەرێم و ناڤچەیێن سووریێ جارەکا دی ڤەگەرینیتە بن کۆنترۆلا رژێیما سووریێ دا. PDK-S راگهاند رێکەفتنا داویێ یا د ناڤبەرا MSD و پارتیا ڤینا گەلا ب سەرۆکاتیا قەدری جەمیل دا د وێ چارچۆڤەیێ دایە.
پۆلیتبیرۆیا PDK-S هەر وەها دیار کر کو ئارمانجا رووسیا ژ وێ رێکەفتنا MSD و پارتیا ڤینا گەل ئەوە، MSD بەشداریێ د دانووستاندنێن سووری و کۆمیتەیا دەستوورا سووریێ دا بکەت.
رۆژا ٣١ێ تەباخا بووری، مەجلسا سووریا دەمۆکراتیک (MSD) و پارتیا ڤینا گەل ب سەرپەرشتیا وەزارەتا دەرڤە یا رووسیایێ، ل مۆسکۆیێ موزاکەرەیەکا لھەڤکرنێ ئیمزا کربوو.
د دەربارێ دانووستاندنێن کوردی – کوردی یێن د ناڤبەرا ئەنجوومەنا نشتمانی یا کورد و پارتییا یەکیتیا نیشتیمانی یا سووری ل سووریێ دا، پەدەکە-سێ دیار کر، دانووستاندنێن د ناڤبەرا ENKS و PYNK دا بەردەوامن و د ڤێ قۆناخێ دا پرسا لێڤەگەرا کوردی دهێتە گەنگەشەکرن.
