جڤینا بارزانی و كازمی ئه‌ڤ پرس دانوستاندن كرن

سه‌رۆك وه‌زیرێ ئیراقێ ئیرۆ سه‌ره‌دانا هه‌ولێرێ كر، یه‌كه‌م جڤینا كازمی ل گه‌ل سه‌رۆكێ پارتییا ده‌مۆكراتا كوردستانێ بوو، كازمی دێ سه‌ره‌دانا سلێمانیێ و دهۆكێ ژی بكه‌ت.

ئیرۆ رۆژا پێنجشه‌میێ 10/9/2020ان، مسته‌فا كازمی سه‌رۆك وه‌زیرێ ئیراقا فه‌ده‌رال ب سه‌رۆكتییا شانده‌كی گها هه‌ولێرێ پایته‌ختا باشوورێ كوردستانێ، ل باله‌فرخانه‌یێ كازمی ژ بال مه‌سروور بارزانی سه‌رۆك وه‌زیرێ حكوومه‌تا باشوورێ كوردستانێ، هات پێشوازی كرن.

یه‌كه‌م جڤینا كازمی ل گه‌ل سه‌رۆك مه‌سعوود بارزانی سه‌رۆكێ پارتییا ده‌مۆكراتا كوردستانێ بوو كو د ڤێ جڤینێ دا، داوی پێشهات و گوهه‌رینێن ئیراقێ و ناڤچه‌یێ تێن دانوسته‌ندن كرن.

شاندا حكوومه‌تا ئیراقێ، ژ هه‌ر یێك ژ وه‌زیرێن ده‌رڤه‌، به‌رگری، په‌ترۆل و كۆچ و كۆچبه‌ران و هه‌ژماره‌كا به‌رپرسیارێن دن پێكهاتییه‌.

تێ پێشبینی كرن مسته‌فا كازمی سه‌ره‌دانا پارێزگه‌هێن دهۆك و ده‌ریێ سینۆریێ یێ ئیبراهیم خه‌لیل بكه‌ت، هه‌موه‌خت سه‌ره‌دانا پارێزگه‌ها سلێمانیێ.

ل 8 ڤێ مه‌هێ شاندا حكوومه‌تا باشوورێ كوردستانێ ب سه‌رۆكاتییا قوباد تاله‌بانی جێگرێ سه‌رۆك وه‌زیرێ باشوورێ كوردستانێ سه‌ردانا به‌غدایێ كر و دانوسته‌ندنێن چاره‌سه‌ركرنا پرسگرێكێن نێڤبه‌را هه‌ولێر و به‌غدایێ به‌رده‌وام كرن.