قۆناغه‌كا نوو ل نێڤبه‌را هه‌ولێر و به‌غدایێ ده‌ستپێكر

قۆناغه‌كا نوو ل نێڤبه‌را هه‌ولێر و به‌غدایێ ده‌ستپێكر

مه‌سروور بارزانی سه‌رۆك وه‌زیرێ باشوورێ كوردستانێ ئیرۆ پێشوازی ل مسته‌فا كازمی سه‌رۆك وه‌زیرێ ئیراقێ و شاندا پێره‌ كر، لهه‌ڤهاتنا نێڤبه‌را هه‌ولێر و به‌غدایێ د جڤینا وان ده‌ هات نیقاش كرن.

چاڤكانیێن پێگه‌ها داركا مازی ل هه‌ولێرێ ئه‌شكه‌ره‌ كر، ل باره‌گه‌ها ئه‌نجوومه‌نا وه‌زیران یا حكوومه‌تا باشوورێ كوردستانێ، ئیرۆ رۆژا پێنجشه‌می 10/9/2020ان، مه‌سروور بارزانی سه‌رۆك وه‌زیرێ حكوومه‌تا باشوور پێشواز ل مسته‌فا كازمی و شاندا پێره‌ كر.

د جڤینێ ده‌ كو وه‌زیرێن حكوومه‌تێن كوردستانێ و ئیراقا فه‌ده‌رال به‌رهه‌ڤبوون، لهه‌ڤهاتنا نێڤبه‌را هه‌ولێر و به‌غدایێ ل ده‌ربارا پرسگرێكێن ئاسێ مایی، ته‌وه‌رێ سه‌ره‌كی یێ دانوسته‌ندنێن هه‌ردوو ئالییان بوو.

د جڤینێن نێڤبه‌را شاند و كۆمیته‌یێن حكوومه‌تا كوردستانێ و حكوومه‌تا ئیراقێ ده‌، هه‌ردوو ئالی نێزی رێككه‌فتنا داویێ بوونه‌ و تێ پێشبینی كرن، پاش ڤێ سه‌ردانا كازمی ژ بۆ كوردستانێ، قۆناغه‌كه‌ نوو ژ ئاساییبوونا ره‌وشێ ده‌ست پێ بكه‌ت.