هێزێن سووریایا ده‌مۆكراتیك ئیرۆ هه‌ژمارا 45 جوانێن رۆژئاڤا كوردستانێ ژ بۆ سه‌ربازكرنا ب زۆر ده‌سته‌سه‌ر كرن، ژ تیرمه‌ها ئیسالێ ژی 4 هه‌زار جوان ده‌سته‌سه‌ر كرنه.
چاڤكانیێن خوه‌جهی ل رۆژئاڤا كوردستانێ ئه‌شكه‌ره كر، ئیرۆ رۆژا یه‌كشه‌می 13/9/2020ان، هێزێن ئه‌نجوومه‌نا له‌شكری یا منبجێ و هێزێن سووریایا ده‌مۆكراتیك هه‌سه‌دێ، 45 جوانێن منبجێ ده‌سته‌سه‌ر كرنه و ژ بۆ سه‌رباز كرنا ب زۆری برنه.
ده‌ست نیشان كر، ئه‌ڤ گه‌نج ل خال و نوقته‌یێن هه‌سه‌دێ هاتنه ده‌سته‌سه‌ر كرن، پێڤاژۆیا ده‌سته‌سه‌ركرنا جوانان ژی ددۆمه.
ل ڤێ ده‌ربارێ ده، نه‌رینگه‌ها سووری یا مافێن مرۆڤان ئه‌شكه‌ره كر، ل 8ی مه‌ها تیرمه‌هێ یا ئیسالێ، هێزێن گرێدای رێڤه‌به‌رییا خوه‌سه‌ر ب تایبه‌ت پۆلیسێن له‌شكری یێن گرێدای هه‌سه‌دێ ده‌سته‌سه‌ر كرنا جوانان ژ بۆ سه‌رباز كرنا ب زۆر ده‌ست پێ كرنه.
هه‌روه‌ها ده‌ست نیشان كر، هه‌یا نها ل هه‌ر یێك ژ حه‌سه‌كێ، حه‌له‌بێ، ره‌ققایێ و دێرازوورێ هه‌ژمارا 4 هه‌زار جوانان ژ بۆ سه‌ربازكرنا ب زۆر هاتنه ده‌سته‌سه‌ر كرن، پرانی ژی یێن حه‌سه‌كێ نه.
