چما په‌كه‌كه‌ به‌رپرسیارییا ته‌قینا عه‌فرینێ ناهه‌لگره‌؟

چما په‌كه‌كه‌ به‌رپرسیارییا ته‌قینا عه‌فرینێ ناهه‌لگره‌؟

د ته‌قینا دوهی یا هه‌رێما عه‌فرینێ دا، 10 كه‌سێن سڤیل جانێ خوه‌ ژ ده‌ست دا و هه‌ژمارا 35 كه‌سێن دن بریندار كه‌تن، په‌كه‌كه‌ به‌رپرسیارییا ڤێ ته‌قینێ ناهلده‌ ستۆیێ خوه‌.

ل گۆر ئاگاهیێن چاڤكانیێن پێگه‌ها داركا مازی ل رۆژئاڤا كوردستانێ، ب سه‌ده‌ما ته‌قینا ئێڤارییا دوهـ رۆژا دووشه‌می 14/9/2020ان ل هه‌رێما عه‌فرینێ، 10 كه‌سێن سڤیل جانێ خوه‌ ژ ده‌ست دانه‌، هه‌ژمارا 35 كه‌سێن دن ژی بریندار كه‌تنه‌، زارۆیه‌ك و نۆژداره‌ك د ناڤا قوربانییان دا هه‌نه‌.

ته‌قینا دوهـ یا عه‌فرینێ ل ناڤچه‌یه‌كا هه‌ری ب قه‌ره‌بالغ یا ناڤه‌ندا باژێر چێببوو، ته‌قین ب رێیا ئه‌ره‌به‌یه‌كا مایین كری هاتبوو كرن، كه‌سێن كو ئه‌ڤ ته‌قین ئه‌نجام دانه‌، خواستنه‌ میلیشیایێن ترك بكه‌نه‌ ئارمانج، لێ به‌لێ خه‌لكێ سڤیل ب به‌ر كه‌تییه‌.

دەر بارێ بوویەرێ دا لێکۆلین دەوام دکه‌ن و ژ بۆ تەسبیت کرنا ناسنامەیێن قوربانییان ژی خەبات تێ کرن.

مه‌دیایا تركیێ ل ڤێ ده‌ربارێ دا ئاگاهی دانه‌ و ئه‌شكه‌ره‌ كرن كو رێخستنێن په‌كه‌كێ ئه‌ڤ ته‌قین ئه‌نجام دانه‌، لێ به‌لێ ژ به‌ر كو خه‌لكێ سڤیل تێدا هاتنه‌ كوشتن و بریندار كرن، به‌رپرسیارییا وێ نا هلدن ستۆیێ خوه‌.