زلامەکێ ئاگر بەردا ھەڤژینا خوە!

ل گوندەکێ باژێرێ سەلماس یێ گرێدایی پارێزگەها ئۆرمیێ ل رۆژھلاتێ کوردستانێ، ژنەک ژ لایێ ھەڤژینێ خوە ڤە ھاتە سۆتن.

رەوانگەها مافێن مرۆڤ یا ھەنگاو راگھاندیە، دوھی رۆژا شەمی 19/9/2020ێ ل گوندێ “زەنگۆ” یێ باژێرێ سەلماسێ، ژنا ب ناڤێ مەریەم ئەتمانی، کو چەند رۆژ بەرێ هاتبوو سۆتن، ژبەر گرانیا برینێن خوە، ل ئێک ژ ناڤەندێن تەندروستیێ یێن باژێرێ ئۆرمیێ جان دا.

ل گۆری ئاگاھیان، ئەو ژنا کورد، کو دایکا دو زارۆکان بوو، ژ لایێ ھەڤژینێ خوە ڤە و ژ بەر کێشەیێن جڤاکی ھاتبوو سۆتن.

ھەڤژینێ وێ ژنا کورد، پشتی کو ئاگر بەردابوو وێ، رەڤیابوو و تا نھا نەھاتیە گرتن.