جه‌سه‌دێ به‌رپرسه‌كێ په‌كه‌كێ تێ دیتن

جه‌سه‌دێ به‌رپرسه‌كێ په‌كه‌كێ تێ دیتن

جه‌سه‌دێ به‌رپرسه‌كێ په‌كه‌كێ ل سینۆرێ پارێزگه‌هییا ئیدرێ یا باكورێ كوردستانێ هات دیتن كو د ئۆپه‌راسیۆنا تركیێ ده‌ جانێ خوه‌ ژ ده‌ست دایه‌.

وه‌زاره‌تا كارێن ناڤخوه‌ یا تركیێ ئه‌شكه‌ره‌ كر، جه‌سه‌دێ به‌رپرسه‌كێ سه‌ربازی یێ په‌كه‌كێ ل سینۆرێ پارێزگه‌هییا ئیدرێ هات دیتن كو د ئۆپه‌راسیۆنا یلدرم-3 ده‌ هاتییه‌ هه‌ده‌ف كرن.

ده‌ست نیشان كر، ئه‌ڤ به‌رپرسێ په‌كه‌كێ ب ناڤێ خالس ئه‌ردۆغانه‌ و ئه‌و د لیستا ره‌نگ گه‌ور یا داخوازكریێن ده‌وله‌تێ ده‌ بوو.

ئارته‌شا تركیێ ل ده‌ما مه‌ها رابووری، ئۆپه‌راسیۆنا یلدرم ل هه‌ژماره‌كه‌ ناڤچه‌یێن باكورێ كوردستانێ دایه‌ مه‌شاندن و هه‌یا نها 9 قۆناغێن ڤێ ئۆپه‌راسیۆنێ برێڤه‌چوونه‌ و هه‌ری كێم 41 گه‌ریلا تێده‌ جانێ خوه‌ ژ ده‌ست دانه‌.

ل ده‌ربارا ڤێ ئۆپه‌راسیۆنێ، هه‌په‌گێ ئه‌شكه‌ره‌ كرییه‌ كو ل مه‌ها رابووری 9 عه‌سكه‌رێن ترك ل باكورێ كوردستانێ هاتنه‌ جه‌زا كرن.