ئامێنستی ژ تركیێ خوه‌ست له‌كۆلینه‌كه‌ سه‌ربخوه‌ ده‌ستپێبكه‌

ئامێنستی ژ تركیێ خوه‌ست له‌كۆلینه‌كه‌ سه‌ربخوه‌ ده‌ستپێبكه‌

رێخستنا لێبۆرینا ناڤده‌وله‌تی ئامنێستی داخواز ژ حكوومه‌تا تركیێ كر له‌كۆلینه‌كه‌ سه‌ربخوه‌ د مه‌سه‌له‌یا ئاڤێتنا دوو هه‌مولاتیێن كورد ژ باله‌فرێ بكه‌.

د نامه‌یه‌كێ ده‌ كو رێخستنا لێبۆرینا ناڤده‌وله‌تی ئاراسته‌ی ده‌وله‌تا تركیێ كرییه‌، داخواز كر كو له‌كۆلینه‌كه‌ سه‌ربخۆ و له‌زگین ل سه‌ر مه‌سه‌له‌یا ئاڤێتنا له‌شكران ژ بۆ دوو هه‌مولاتیێن كورد ل باژارێ وان ژ باله‌فرێ بكه‌.

ئامنێستی د وێ نامەیا خوە دە بانگ ل ھکوومەتا ترکیێ دکە دەربارێ ئیشکەنجەکرنا ھەردو ھەموەلاتیێن کورد ل سەر دەستێ لەشکەران، لێکۆلینەکە سەربخوە پێک بینە.

ل رۆژا 11 ئیلۆنێ، ئارته‌شا تركیێ ئۆپه‌راسیۆنه‌ك ل دژی په‌كه‌كێ ل دۆربه‌را وانێ پێكئانی بوو، د ئه‌نجامێ ده‌ دوو هه‌مولاتیێن كورد ب ناڤێ ئۆسمان شابانی كو ته‌مه‌نا وی 50 سالی یه‌ و هه‌روه‌ها سه‌رڤه‌ت تۆرگۆتی یێ 55 سال هاتنه‌ بنچاڤ كرن.

پاش ده‌رباسبوونا دوو رۆژان تو ئاگاهییه‌ك ژ چاره‌نڤیسا وان نه‌هات بهیستن، لێ به‌لێ پشتره‌ ئه‌شكه‌ره‌ بوو كو ئه‌و ل به‌شا چاڤدێرییا هوور ئا نه‌خوه‌شخانه‌یه‌كا وان هاتنه‌ رازاندن.

وان ب مالباتێن خوه‌ گۆتنه‌ كو عه‌سكه‌ران ئه‌و د باله‌فرا كۆپته‌ر ده‌ ئاڤێتنه‌، راپۆرتا ته‌ندروستیێ ژی ته‌سبیت كر كو ئه‌و هه‌ردوو هه‌مولاتی راستی ئیشكه‌نجێ هاتنه‌، لێ به‌لێ پارێزگه‌رییا وانێ د داخویانییه‌كه‌ نڤیسكی ده‌ ئیدیعا كر كو ل ده‌ما بنچاڤ كرنێ، ئه‌و د زناره‌كه‌ بلند ده‌ كه‌تنه‌.