د چارچووڤه‌یا ئۆپه‌راسیۆنێن ده‌سته‌سه‌ر كرنێ كو ده‌وله‌تا تركیێ ل دژی ئه‌ندام و ئالیگرێن په‌كه‌كێ ل تركیێ و باكورێ كوردستانێ ئه‌نجام دده‌ت، ئیرۆ 19 كادر و به‌رپرسێن هه‌ده‌پێ هاتنه ده‌سته‌سه‌ر كرن.
ل گۆر ئاگاهیێن ده‌ستێ مه، ئیرۆ رۆژا پێنجشه‌می 1/10/2020ان، ب فه‌رمانا دۆزگه‌رییا گشتی یا قه‌رسێ، 19 ئه‌ندام و به‌رپرسێن پارتییا ده‌مۆكراتیك یا گه‌لان هه‌ده‌پێ هاتنه ده‌سته‌سه‌ر كرن.
ده‌سته‌سه‌ر كرنا وان ب جیانیه‌تا ئه‌ندام و ئالیگرییا پارتییا كاركه‌رێن كوردستانێ په‌كه‌كێ یه.
ئالیكارێن سه‌رۆكێ شاره‌دارییا قه‌ره‌سێ ل سه‌ر پشكا هه‌ده‌پێ شه‌ڤین ئالاجا و موعەزەز چاغریتەکینجی و هه‌ژماره‌كا دن یا ئه‌ندامێن هه‌ده‌پێ د ناڤا كه‌سێن ده‌سته‌سه‌ر كری دانه.
هه‌موه‌خت به‌رپرسێ مه‌لبه‌ندێ هه‌ده‌پێ ل قه‌ره‌سێ جەنگیز ئانڵی و هه‌ژماره‌كا ئەندامێن ئەنجوومەنا شاره‌دارییا قه‌رسێ و مه‌لبه‌ندێ گشتی یێ وێ پارتیێ هاتنه بن چاڤ كرن.
ده‌وله‌تا تركیێ جینایه‌تا كۆمكرنا په‌ره‌یان ژ بۆ په‌كه‌كێ خستنه پال كه‌سێن ده‌سته‌سه‌ر كری.
تێ زانێن باج ستاندن ژ هه‌مولاتیێن باكورێ كوردستانێ ب یێك ژ چاڤكانیێن سه‌ره‌كه یێن پاره‌داركرنا په‌كه‌كێ تێ حه‌ساب كرن.
