سه‌رۆكێ باشوورێ كوردستانێ، ئیرۆ ل ده‌ربارا ئێریشا سه‌ر هه‌ولێرێ داخویانی دا و گۆت: «ئه‌ڤ ئێریش ب ده‌ستدرێژی ل سه‌ر خه‌لكێ هه‌رێما كوردستانێ تێ حه‌ساب كرن».
نێچیرڤان بارزانی ئیرۆ رۆژا پێنجشه‌می 1/10/2020ان، داخویانی ل ده‌ربارا ئێریشا شه‌ڤا ده‌رباسبوویی یا سه‌ر هه‌ولێرێ دا و ئه‌ڤ ژی ته‌كستا وێ یه:
ل ده‌مژمێر 8:30 شه‌ڤا ده‌رباسبوویی، گرۆپه‌كه تێكده‌ر 6 مووشه‌ك ژ ناڤچه‌یه‌كا به‌رتلایێ ل سینۆرێ پارێزگه‌ها نه‌ینه‌وایێ، ئاراسته‌ی بنگه‌هه‌كا هه‌ڤپه‌یمانان ل هه‌ولێرێ كر، خۆشبه‌ختانه ت زراره‌ك نه‌بوو.
ل ده‌مه‌كێ ئه‌ڤ ئێریش ب ده‌ستدرێژی ل سه‌ر خه‌لكێ هه‌رێما كوردستانێ و هه‌ڤپه‌یمانان تێ حه‌ساب كرن، ل هه‌مان ده‌مێ ئه‌م ب باوه‌رن كو پێویسته هه‌موو هێزێن ئه‌وله‌هیێ ل هه‌رێما كوردستانێ و ئیراقێ، هێزێن پێشمه‌رگه و ئارته‌شا ئیراقێ و حه‌شدا شه‌عبی، هه‌ولێن خوه بكن یێك ژ بۆ رێگرتنێ ل هه‌موو كارێن تێكده‌ر یێن گرۆپێن ئاژاوه‌گێر.
پێویسته قوربانیێن پێشمه‌رگه و هه‌موو هێزێن ئیراقێ و هه‌ڤپه‌یمانان هانده‌ر بن ژ بۆ پاراستنا ئه‌وله‌هی و سه‌قامگیرییا هه‌موو ئیراقێ و هه‌موو بالیۆزخانه و نوونه‌راتیێن جیهانێ ل ئیراقێ، هه‌روه‌ها پێویسته ب باشترین شێوه هه‌ولا سه‌قامگیریێ بدن كو د ڤێ ره‌وشا خه‌راپ یا ئابووری ده ئه‌وا ب سه‌ده‌ما ڤیرۆسا كۆرۆنایێ ب سه‌ر خه‌لكێ ولاتێ مه و جیهانێ ده هاتییه.
ئه‌وێن كو ڤان ئێریشێن تێكده‌ر ئه‌نجام ددن دوژمنێن هه‌موو ئیراقێ نه و پێویسته هه‌موو هێزێن ئیراقی یه‌كده‌ست به‌رهنگارییا وان ببن و وان همبه‌ری یاسایێ بكن، ئه‌م ژی ژ بۆ دروست كرنا وێ هه‌ماهه‌نگیێ ل گه‌ل سه‌رۆك وه‌زیرێ ئیراقێ برێز مسته‌فا كازمی ئاماده‌نه ژ بۆ هه‌ر هه‌ڤكاری و پشتگرییه‌كێ و ئه‌م پشت راستن كو ئه‌و ل پێناڤێ ئارامێ و سه‌قامگیریێ وێ هه‌موو هه‌وله‌كێ بده‌ت.
نێچیرڤان بارزانی
سه‌رۆكێ باشوورێ كوردستانێ
1/10/2020
