ئارتهشا تركیێ و كۆمێن چهكدارێن گرێدای وێ، ئێریشا گوندێن دۆربهرا ههرێما عهفرینێ یا رۆژئاڤا كوردستانێ و باكورێ حهلهبێ كر و ئهو دهر تۆپ باران كر.
ل گۆر ئاگاهیێن دهستێ مه، ل شهڤا دهرباسبوویی، ئارتهشا تركیێ و گرووپێن كۆمێن چهكدارێن گرێدای وێ، دهست ئاڤێتن ئێریشا ب تۆپان ل سهر گوندێن دۆربهرا عهفرینێ یا رۆژئاڤا كوردستانێ و ههموهخت گوندێن باكورێ حهلهبێ كو ل ژێر كۆنترۆلێ یهكینهیێن پاراستنا گهل یهپهگێ ده نه.
ژ ھەرێما عەفرینێ ڤە، گوندێن کلووتێ، مەزن، باشەمرێ و برجقاسێ یێن ناڤچەیا شێراوا كهتن بهر ئێریشا گوللـه تۆپان و ئهڤ گوند لژێر كۆنترۆلا یهپهگێ ده نه.
ژ ئالیەکی دن ڤە نهرینگهها سووری یا مافێن مرۆڤان بەلاڤ کر، ئارتهشا ترکیێ و گرووپێن چەکدار، گوندێن تل مەدیق و سەد شەھبایێ یێن ل باکورێ حەلەبێ و د دەستێ یهپهگێ دە نە تۆپباران کر.
دەما ئارتهشا ترکیێ و گرووپێن چەکدارێن سەر ب وێ ڤە ھەرێما عەفرینێ داگیر کرن، 12 گوندێن ناڤچەیا شێراوا د دەستێ یهپهگێ دە مان، ژ وێ دەمێ ڤە ژی، ھەر جار ئەو گوند ژ ئالیێ ئارتێشا ترکیێ و گرووپێن چەکدار ڤە تێن تۆپباران کرن و ولاتیێن سڤیل دبن قوربانی.