3 شه‌رڤان ل دۆربه‌را عه‌فرینێ هاتن هه‌ده‌ف كرن

3 شه‌رڤان ل دۆربه‌را عه‌فرینێ هاتن هه‌ده‌ف كرن

د ئێریشا شه‌ڤا ده‌رباسبوویی ده‌ كو ئارته‌شا تركیێ ل سه‌ر گوندێن دۆربه‌را عه‌فرینێ پێكئانییه‌، 3 شه‌رڤانێن یه‌په‌گێ جانێ خوه‌ ژ ده‌ست دایه‌.

ل گۆر ئاگاهیێن ده‌ستێ مه‌، پشتی كو ل شه‌ڤا ده‌رباسبوویی ئارته‌شا تركیێ و گرووپێن گرێدای وێ، هه‌ژماره‌كه‌ گوندێن دۆربه‌را عه‌فرینێ تۆپ باران كرین، 3 شه‌رڤانێن یه‌په‌گێ د ئێریشان ده‌ جانێ خوه‌ ژ ده‌ست دانه‌.

هه‌ر چه‌ند كو فه‌رماندارێتییا یه‌كینه‌یێن پاراستنا گه‌ل چ ئاماژه‌ ب ژ ده‌ست دایینا شه‌رڤانێن خوه‌ نه‌كر، لێ به‌لێ وه‌زاره‌تا به‌رگریێ یا تركیێ ئیرۆ د به‌یانه‌كه‌ نڤیسكی ده‌ ئه‌شكه‌ره‌ كر كو 3 شه‌رڤان هاتنه‌ هه‌ده‌ف كرن.

وه‌زاره‌تا به‌رگریێ ده‌ست نیشان كر، وان شه‌رڤانان ئێریشی نوقته‌یێن تركیێ ل ده‌ڤه‌رێن چه‌قێ زه‌یتوونێ كربوو.