“موفتیێ داعشێ” ل کەرکووکێ ھاتە دەستەسەرکرن

 ھێزێن ئەولەھیێ یێن ئیراقێ ئەڤرۆ کەسەک دەستەسەر کر کو بەرێ ل پارێزگەھا کەرکووکێ، خوە وەکە “موفتیێ داعشێ” دابوو ناسین.

ئاژانسا ئیستخباراتا ئیراقێ ب داخویانیەکێ راگەھاند: “ئیستخباراتا پۆلیسێن فەدەرال یا سەر ب وەزارەتا ناڤخوە، د کەمینەکێ دا تۆھمەتبارەک دەستەسەر کر کو ئێک ژ بەرپرسێن رێخستنا داعشێ یە ل کەرکووکێ و موفتیێ چەکدارێن ڤێ رێخستنێ بوو.”

د داخویانیێ دا ھاتیە دەستنیشانکرن: “ئەڤ تۆھمەتبار ل گۆر حوکمێن مادەیا 4 یا تەرۆرێ ھاتیە دەستەسەرکرن. بەرێ وەکو موفتیێ کۆمێن چەکدارێن داعشێ کار کریە و د لێپرسینا دەستپێکێ دا دانپێدان کریە کو ئەندامێ رێخستنا داعشێ یە.”

ھەروھا ھاتیە ئاشکەراکرن: “مالباتا ڤی دەستەسەرکری ژی سەر ب داعشێ یە و دو برا و پسمامەکێ وی د رێزێن داعشێ دا نە و خوشکەکا وی ژی ھەڤژینا ئێک ژ ئەمیرێن داعشێ یە ل کەرکووکێ.”