پەکەکە دبە سەدەما بۆردۆمانکرنا خانیێ وەلاتیەکی ل دینارتێ

پەکەکە دبە سەدەما بۆردۆمانکرنا خانیێ وەلاتیەکی ل دینارتێ

بالەفرێن ترکیێ خانیێ وەلاتیەکی ل گوندەکێ سنۆرێ پارێزگەھا دھۆکێ بۆردۆمان کر کو چەکدارێن پەکەکێ خوە تێدا ڤەشارت بوون.

چاڤکانیێن پێگەھا دارکا مازی ل باشوورێ کوردستانێ ئەشکەرە کر، ئێڤارا دوھ رۆژا سێشەمی 2020/10/6ان بالەفرێن دەولەتا ترکیێ د تەعقیبا لڤ و تەڤگەرێن پەکەکێ دە، مالا وەلاتیەکی ل ناڤچەیا دینارتی ل سنۆرێ قەزا ئاکرێ ھەدەف کر.

دەست نیشان کر، بالەفران ل دەمژمێر 7:30 شەڤێ یەک مووشەک ل خانيیەکێ ناڤ رەزێ وەلاتی يێ بناڤێ مێهڤان عەزۆ یێ خەلکێ گوندێ بابولا ل ناڤچەیا دينارتێ ل دەڤەرا زێباریا دایە.

ل گۆر ئاگاھیێن دەستێ مە، خانى هاتيیە ھەرفاندن و دوو چەکدارێن پەکەکێ تێدا ھاتنە کوشتن.

دەولەتا ترکیێ مەزنترین ئێریشا سەر باشوورێ کوردستان ل دژی پەکەکێ ل خزیرانا رابووری دەست پێکربوو، ژ وێ دەمێ ڤە پەکەکە ب ئاوایەک سیستماتیک خوە نێزی گوند و باژارۆکان دکە ب ئامانجا وێ یەکێ کو ببن مەیدانا شەر و ژ شێنییان وەرە ڤالا کرن.